జాతీయ జెండాను అగౌరపరిచిన కుత్భుల్లాపూర్ MLA
ABN, First Publish Date - 2022-06-02T18:00:12+05:30
తెలంగాణ రాష్ట్ర ఆవిర్భావ దినోత్సవ వేడుకల్లో జాతీయ జెండాను కుత్బుల్లాపూర్ ఎమ్మెల్యే వివేకానంద గౌడ్ అగౌరపరిచారు.
హైదరాబాద్: తెలంగాణ రాష్ట్ర ఆవిర్భావ దినోత్సవ వేడుకల్లో జాతీయ జెండాను కుత్బుల్లాపూర్ ఎమ్మెల్యే వివేకానంద గౌడ్(Vivekananda goud) అగౌరపరిచారు. కుత్బుల్లాపూర్ నియోజకవర్గం పరిధిలోని కుత్బుల్లాపూర్ - గాజులరామారం జంట సర్కిళ్ల కార్యాలయాల వద్ద షూ వేసుకుని ఎమ్మెల్యే జాతీయ జెండాను ఆవిష్కరించారు. తెలంగాణ రాష్ట్ర ఆవిర్భావ దినోత్సవ వేడుకల్లో భాగంగా ఎమ్మెల్యే వివేకానంద... అంబేద్కర్ ఫోటో వద్ద ఎమ్మెల్యే షూ వేసుకుని పాల్గొనడంపై సర్వత్రా విమర్శలు వెల్లువెత్తుతున్నాయి.
కాగా... ప్రగతి భవన్లో అవతరణ దినోత్సవం సందర్భంగా సీఎం కేసీఆర్ చెప్పులు లేకుండా జాతీయ జెండాను గౌరవించి పాతాకావిష్కరణ చేశారు. దీంతో తెలంగాణ రాష్ట్ర అవతరణ దినోత్సవం సందర్భంగా సీఎం అలా... ఎమ్మెల్యేలు ఇలా అంటూ సోషల్ మీడియాలో నెటిజన్లు సెటైర్లు విసిరారు.
Updated Date - 2022-06-02T18:00:12+05:30 IST