Minister KTR: ఓఆర్ఆర్పై సోలార్ రూఫ్ సైకిల్ ట్రాక్‌కు కేటీఆర్ శంకుస్థాపన
ABN, First Publish Date - 2022-09-06T18:39:39+05:30
నగరంలోని ఓఆర్ఆర్పై సోలార్ రూఫ్ సైకిల్ ట్రాక్‌కు మంత్రి కేటీఆర్ శంకుస్థాపన చేశారు.
హైదరాబాద్: నగరంలోని ఓఆర్ఆర్పై సోలార్ రూఫ్ సైకిల్ ట్రాక్‌ (Solar roof cycle track)కు మంత్రి కేటీఆర్(KTR) శంకుస్థాపన చేశారు. మంగళవారం నానక్ రామ్ గూడ వద్ద మంత్రి భూమిపూజ చేశారు. మొదటి దశలో మొత్తం 23 కిలోమీటర్ల మేర 4.5 మీటర్ల వెడల్పుతో సోలార్ రూఫ్ సైకిల్ ట్రాక్‌ను ఏర్పాటు చేయనున్నారు. 16 మెగా వాట్లతో విద్యుత్ ఉత్పత్తి చేసేలా సోలార్ రూఫ్‌ను ఏర్పాటు చేస్తారు. 2023 వేసవి నాటికి అందుబాటులోకి తేవాలని హెచ్ఎండీఏ (HMDA) లక్ష్యంగా పెట్టుకుంది. నానక్ రామ్‌గూడ నుంచి తెలంగాణ పోలీస్ అకాడమీ వరకు 8.50 కిలోమీటర్లు... నార్సింగి నుంచి కొల్లూరు 14.5 కిలోమీటర్ల వరకు సైకిల్ ట్రాక్‌ నిర్మాణం జరుగనుంది. ఈ కార్యక్రమానికి మంత్రి శ్రీనివాస్ గౌడ్ (Srinivas goud), ఎంపీ రంజిత్ రెడ్డి (Ranjith reddy) హాజరయ్యారు.
Updated Date - 2022-09-06T18:39:39+05:30 IST