Electrical connection: సారూ.. ఇదేం తీరు..!
ABN, First Publish Date - 2022-12-01T12:34:40+05:30
ఒకరు కరెంట్ బిల్ చెల్లించకపోతే మొత్తం అపార్ట్మెంట్లోని 13 నివాసాలకు విద్యుత్ కనెక్షన్ కట్
హైదరాబాద్/చిక్కడపల్లి: ఒకరు కరెంట్ బిల్ చెల్లించకపోతే మొత్తం అపార్ట్మెంట్లోని 13 నివాసాలకు విద్యుత్ కనెక్షన్ కట్ చేశారు. గాంధీనగర్ డివిజన్ దేవీచౌక్వద్ద స్రవంతి అపార్ట్మెంట్లో 13 ఫ్లాట్లు ఉన్నాయి. ప్రతి దానికీ విద్యుత్ మీటర్లు విడిగా ఉన్నాయి. అందులోని ఓ ఫ్లాట్ యజమానురాలు మూడేళ్లుగా న్యూఢిల్లీలో ఉంటోంది. ఆ ఫ్లాట్కు ప్రతి నెలా మినిమమ్ విద్యుత్ బిల్లు వస్తోంది. జరిమానాతో కలిపి ఇప్పటి వరకు దాదాపు ఆరు వేలు బకాయి పడింది. గాంధీనగర్ విద్యుత్ అధికారులు బుధవారం సదరు మహిళ ఫ్లాట్కు మాత్రమే కనెక్షన్ కట్ చేయకుండా మొత్తం అపార్ట్మెంట్కు విద్యుత్ కనెక్షన్ తీసేశారు. ఒకరు బిల్ కట్టకపోతే అందరికీ కట్ చేయడమేంటని మిగతా ఫ్లాట్ ఓనర్లు ఆగ్రహం వ్యక్తం చేస్తున్నారు. ఉన్నతాధికారులు స్పందించి కరెంట్ సరఫరాను పునరుద్ధరించాలని అదే అపార్ట్మెంట్లో నివసించే లోక్సత్తా ముషీరాబాద్ నియోజకవర్గం కన్వీనర్ రవీందర్రెడ్డి కోరుతున్నారు. సెక్షన్ సిబ్బందితో మాట్లాడితే ‘‘దమ్ముంటే సదరు యజమానితో బిల్లు కట్టించు’’ అన్నారని అపార్ట్మెంట్వాసులు పేర్కొన్నారు.
Updated Date - 2022-12-01T12:42:44+05:30 IST