రాహుల్ బజాజ్ మరణం పట్ల కేసీఆర్ సంతాపం
ABN, First Publish Date - 2022-02-13T01:55:16+05:30
ప్రముఖ జాతీయ వ్యాపర వాణిజ్యవేత్త, రాజ్యసభ మాజీ సభ్యులు, పద్మభూషణ్ రాహుల్ బజాజ్ మరణం పట్ల ముఖ్యమంత్రి కె.చంద్రశేఖరరావు సంతాపం వ్యక్తం చేశారు.
హైదరాబాద్: ప్రముఖ జాతీయ వ్యాపార వాణిజ్యవేత్త, రాజ్యసభ మాజీ సభ్యులు, పద్మభూషణ్ రాహుల్ బజాజ్ మరణం పట్ల ముఖ్యమంత్రి కె.చంద్రశేఖరరావు సంతాపం వ్యక్తం చేశారు. ఆటోమొబైల్ రంగ అభివృద్దికి దేశ వ్యాపర వాణిజ్య రంగానికి రాహుల్ బజాజ్ చేసిన కృషి గొప్పదన్నారు. బజాజ్ స్కూటర్ వంటి ఉత్పత్తులు దేశ ప్రజా జీవనంలో భాగస్వామ్యం అయ్యాయన్నారు. ‘‘ హమారా బజాజ్’’ అనేది వ్యాపార వాణిజ్య నినాదమే అయినప్పటికీ, అది భారత జాతిని, ఉత్పత్తి రంగంలో స్వీయ అస్తిత్వ విధానం దిశగా చైతన్య పరిచిందని సీఎం అన్నారు.
రాహుల్ బజాజ్ సామాజిక బాధ్యత కలిగిన జాతీయ వాద వ్యాపర వేత్తగా సీఎం పేర్కొన్నారు. రాహుల్ బజాజ్ మరణం, దేశీయ పారిశ్రామిక రంగానికి తీరని లోటని సీఎం విచారం వ్యక్తం చేశారు. వారి కుటుంబ సభ్యులకు సీఎం కేసీఆర్ తన ప్రగాఢ సానుభూతిని తెలిపారు.
Updated Date - 2022-02-13T01:55:16+05:30 IST