ఘనంగా బోనాల పండుగ
ABN, First Publish Date - 2022-01-22T07:00:53+05:30
మండలంలో శుక్రవారం బేంబర్‌ గ్రామంలో గ్రామ దేవత పోచమ్మతల్లి మహాలక్ష్మి అమ్మవారి వార్షికోత్సవ బోనాల పండగ ఘనం గా జరిపారు.
తానూర్‌, జనవరి 21 : మండలంలో శుక్రవారం బేంబర్‌ గ్రామంలో గ్రామ దేవత పోచమ్మతల్లి మహాలక్ష్మి అమ్మవారి వార్షికోత్సవ బోనాల పండగ ఘనం గా జరిపారు. ఈ కార్యక్రమంలో భాగంగా గ్రామంలో పండుగ వాతావరణం నెలకొంది. ఎటు చూసినా భక్తజనంతో ఆధ్యాత్మిక భావం వెల్లువిరిసింది. గ్రామంలోని ప్రజలు, ఆడపడుచులు, పిల్లలు, పెద్దలు, యువకులు సైతం పెద్ద సంఖ్యలో హాజరైబోనాలతో, మంగళహారతులతో బాజాభజంత్రీలతో గ్రామ దేవత ఆలయం పోచమ్మమందిరం, మహాలక్ష్మి అమ్మవారి మందిరం పోత రాజుల విగ్రహాలకు భోనాలు సమర్పించి ప్రత్యేకపూజలు నిర్వహించి మహా హారతి కార్యక్రమాన్ని చేపట్టారు. తమ గ్రామానికి ఎటువంటి కష్టాలు కలగకుండా గ్రామంలోని ప్రజలు సుఖ,సంతోషాలు, సిరిసంపదలతో క్షేమంగా ఉండాలని మొక్కులు తీర్చుకున్నారు. ఈ కార్యక్రమంలో గ్రామపెద్దలు వెంకటరావుపటేల్‌, సర్పంచ్‌ బాలాజీ, మాజీ విద్యాకమిటీ చైర్మన్‌ శంకర్‌, ఉప సర్పంచ్‌ శ్రీనివాస్‌, నాయకులు లక్ష్మణ్‌, ఆనంద్‌, గ్రామపంచాయతీ సిబ్బంది, యువసేన యూత్‌ సభ్యులు, గ్రామంలోని మహిళలు, చిన్నారులు పాల్గొన్నారు.
Updated Date - 2022-01-22T07:00:53+05:30 IST