Womens T20 Challenge: బిగ్‌ఫైట్‌లో టాస్ గెలిచిన వెలాసిటీ
ABN, First Publish Date - 2022-05-29T00:46:43+05:30
మహిళల టీ20 చాలెంజ్‌లో ఫైనల్ పోరుకు రంగం సిద్ధమైంది. హర్మన్‌ప్రీత్ కౌర్ సారథ్యంలోని సూపర్ నోవాస్..
పూణె: మహిళల టీ20 చాలెంజ్‌లో ఫైనల్ పోరుకు రంగం సిద్ధమైంది. హర్మన్‌ప్రీత్ కౌర్ సారథ్యంలోని సూపర్ నోవాస్, దీప్తి శర్మ సారథ్యంలోని వెలాసిటీ జట్లు తాడోపేడో తేల్చుకోబోతున్నాయి. మహారాష్ట్ర క్రికెట్ అసోసియేషన్ స్టేడియంలో జరగనున్న ఈ మ్యాచ్‌లో వెలాసిటీ టాస్ గెలిచి సూపర్ నోవాస్‌ను బ్యాటింగ్‌కు ఆహ్వానించింది. రెండో మ్యాచ్‌లో సూపర్ నోవాస్‌పై 7 వికెట్లతో నెగ్గిన వెలాసిటీ.. గత మ్యాచ్‌లో స్మృతి మంధాన సారథ్యంలోని ట్రయల్ బ్లేజర్స్ చేతిలో ఓటమి పాలైంది.
అయితే, సూపర్ నోవాస్ చేతిలో విజయం సాధించడం ఆ జట్టుకు కొంత కలిసివచ్చే అవకాశం ఉంది. గత మ్యాచ్‌లో ఎదురైన పరాభవానికి ప్రతీకారం తీర్చుకోవాలని హర్మన్‌ప్రీత్ సేన పట్టుదలగా ఉంది. ఈ నేపథ్యంలో నేటి మ్యాచ్ ఉత్కంఠగా సాగే అవకాశం ఉంది. సూపర్ నోవాస్‌లో రెండు మార్పులతో బరిలోకి దిగుతుండగా, దీప్తి టీం ఎలాంటి మార్పులు లేకుండానే ఆడుతోంది.
Updated Date - 2022-05-29T00:46:43+05:30 IST