t20worldcup: పాక్ ముందు బంగ్లా స్వల్ప లక్ష్యం.. పాక్ సెమీస్ చేరినట్టేనా..
ABN, First Publish Date - 2022-11-06T11:35:17+05:30
టీ20 వరల్డ్ కప్ (t20 worldcup2022) గ్రూప్-2లో రెండో సెమీస్ బెర్త్ను ఖరారు చేసే కీలక బంగ్లాదేశ్ వర్సెస్ పాకిస్తాన్ (Bangladesh Vs Pakistan) పోరులో తొలి ఇన్నింగ్స్ ముగిసింది.
సిడ్నీ: టీ20 వరల్డ్ కప్ (t20 worldcup2022) గ్రూప్-2 నుంచి రెండో సెమీస్ బెర్త్ను ఖరారు చేసే కీలక బంగ్లాదేశ్ వర్సెస్ పాకిస్తాన్ (Bangladesh Vs Pakistan) పోరులో తొలి ఇన్నింగ్స్ ముగిసింది. టాస్ గెలిచి బ్యాటింగ్ ఎంచుకున్న బంగ్లాదేశ్ నిర్ణీత 20 ఓవర్లలో 8 వికెట్లు కోల్పోయి 127 పరుగులు మాత్రమే చేయగలిగింది. తొలి 10 ఓవర్లు ముగిసే సమయానికి బంగ్లాదేశ్ పటిష్టమైన స్థితిలోనే కనిపించింది. కానీ ఆతర్వాత పరిస్థితి మారిపోయింది. బంగ్లా బ్యాటర్లు వెంటవెంటనే వికెట్లు చేజార్చుకున్నారు. ఈ క్రమంలో ఎవరూ పెద్దగా పరుగులు చేయలేకపోయారు. ఓపెనర్ శాంటో 54 పరుగులు చేసినప్పటికీ మిగతా బ్యాట్స్మెన్స్ రాణించలేకపోవడంతో బంగ్లా స్వల్ప స్కోరుకే పరిమితమైంది. పాక్ బౌలర్లలో షాహీన్ అఫ్రిదీ అత్యధికంగా 4 వికెట్లు తీశాడు. షాదాబ్ ఖాన్ 2 వికెట్లు తీయగా.. హారిష్ రౌఫ్, ఇఫ్తికర్ అహ్మద్ చెరో వికెట్ తీశారు.
బంగ్లాదేశ్ స్కోర్బోర్డ్...
శాంటో(54), లింటన్ దాస్(10), సౌమ్య సర్కార్ (20), షకీబ్(0), అఫిఫ్ హొసెన్(24 నాటౌట్), మసాదెక్ హొసెన్(5), నురుల్ హసన్(0), తస్కన్ అహ్మద్(1), నసుమ్ అహ్మద్ (7), ముస్తాఫిజుర్(0 నాటౌట్) చొప్పున పరుగులు చేశారు.
Updated Date - 2022-11-06T13:25:20+05:30 IST