ఆసీస్‌కు ఓదార్పు విజయం
ABN, First Publish Date - 2022-06-25T10:25:58+05:30
శ్రీలంతో జరిగిన చివరి వన్డేలో ఆస్ట్రేలియా నాలుగు వికెట్ల తేడాతో గెలిచింది. అయితే ఐదు వన్డేల సిరీ్‌సను మాత్రం లంక 3-2తో గెలుచుకుంది.
3-2తో లంకదే సిరీస్‌
కొలంబో: శ్రీలంకతో జరిగిన చివరి వన్డేలో ఆస్ట్రేలియా నాలుగు వికెట్ల తేడాతో గెలిచింది. అయితే ఐదు వన్డేల సిరీస్‌ను మాత్రం లంక 3-2తో గెలుచుకుంది. శుక్రవారం జరి గిన ఈ మ్యాచ్‌లో ఆసీస్‌ బౌలర్లు అద్భుతంగా రాణించడంతో ఆతిథ్య జట్టు 43.1 ఓవర్లలో 160 పరుగులకే కుప్పకూలింది. ఎనిమిదో నెంబర్‌ బ్యాటర్‌ కరుణరత్నె (75) మినహా మరెవరూ రాణించలేదు. హాజెల్‌వుడ్‌, కునెమన్‌, కమిన్స్‌లకు రెండేసి వికెట్లు దక్కాయి. ఆ తర్వాత స్వల్ప లక్ష్యాన్ని ఆసీస్‌ 39.3 ఓవర్లలో 6 వికెట్లకు 164 పరుగులతో సునాయాసంగా ఛేదించింది. అలెక్స్‌ క్యారీ (45 నాటౌట్‌), లబుషేన్‌ (31), గ్రీన్‌ (25 నాటౌట్‌) రాణించారు. వెల్లలగెకు మూడు, తీక్షణకు రెండు వికెట్లు లభించాయి.
Updated Date - 2022-06-25T10:25:58+05:30 IST