వివాహేతర సంబంధం గొడవలో కాలిపోయిన ఇల్లు.. అభం శుభం తెలియని ఇద్దరు చిన్నారుల బలి!
ABN, First Publish Date - 2022-04-08T08:00:30+05:30
వివాహేతర సంబంధాలు ఎన్నో అకృత్యాలకు కారణమవుతున్నాయి. వివాహేతర సంబంధం పెట్టుకున్న వ్యక్తులు తమ భాగస్వాములను చంపుతున్న ఉదంతాలు తరచుగా వెలుగులోకి వస్తున్నాయి. తాజాగా ఓ మహిళ తన వివాహేతర...
వివాహేతర సంబంధాలు ఎన్నో అకృత్యాలకు కారణమవుతున్నాయి. వివాహేతర సంబంధం పెట్టుకున్న వ్యక్తులు తమ భాగస్వాములను చంపుతున్న ఉదంతాలు తరచుగా వెలుగులోకి వస్తున్నాయి. తాజాగా ఓ మహిళ తన వివాహేతర సంబంధం కారణంగా తన సోదరుడి కూతుళ్లను పొట్టనబెట్టుకుంది. మధ్యప్రదేశ్‌లోని ఇండోర్‌లో ఈ ఘటన జరిగింది.
ఇండోర్‌కు చెందిన బర్ఖా అనే మహిళ గతేడాది వివాహం చేసుకుంది. వివాహానికి ముందే ఆమె మరో వ్యక్తిని ప్రేమించింది. వివాహం తర్వాత కూడా ప్రియుడిని తరచుగా కలిసేది. ఈ విషయం భర్తకు తెలియడంతో వారు తరచుగా గొడవపడేవారు. ఈ క్రమంలో బర్ఖా కొన్ని నెలల కిందట పుట్టింటికి వెళ్లిపోయింది. తండ్రికి చెందిన పూరి గుడిసెలో తండ్రి, సోదరుడి కుటుంబంతో పాటు ఉండిపోయింది. ఆమెను తిరిగి ఇంటికి తీసుకెళ్లేందుకు గత ఆదివారం భర్త వెళ్లాడు.
ఆ క్రమంలో ఇద్దరి మధ్య మళ్లీ గొడవలు ప్రారంభమయ్యాయి. దీంతో బర్ఖాను ఆమె తండ్రి కొట్టాడు. తీవ్ర ఆగ్రహానికి గురైన బర్ఖా తన తండ్రి గుడిసెకు నిప్పు అంటించింది. ఆ సమయంలో ఆ గుడిసెలో ఉన్న సోదరుడి కుమార్తెలిద్దరూ మంటల్లో కాలిపోయారు. అక్కడికకక్కడే ప్రాణాలు కోల్పోయారు. సమాచారం అందుకుని ఘటనా స్థలానికి చేరుకున్న పోలీసులు నిందితురాలిని అరెస్ట్ చేశారు.
Updated Date - 2022-04-08T08:00:30+05:30 IST