బాబోయ్ ఇది తాటి చెట్టు కాదు.. కంద మొక్క!
ABN, First Publish Date - 2022-05-27T15:48:11+05:30
ఇదిగో ఈ ఫొటో చూడగానే ఇదేంట్రా బాబోయ్.. తాటిచెట్టంత పొడవుంది.. అని అనుకుంటున్నారా.. అవును తాటిచెట్టంత పొడవుంది కానీ తాటి చెట్టయితే కాదండోయ్...
హైదరాబాద్ సిటీ : ఇదిగో ఈ ఫొటో చూడగానే ఇదేంట్రా బాబోయ్.. తాటిచెట్టంత పొడవుంది.. అని అనుకుంటున్నారా.. అవును తాటిచెట్టంత పొడవుంది కానీ తాటి చెట్టయితే కాదండోయ్.. ఇది ఒక మొక్క అంతే.. ఇదెక్కడో విదేశాల్లోనో.. ఇతర రాష్ట్రాల్లోనో ఉందనుకుంటున్నారేమో అదీ కాదు.. మన హైదరాబాద్ సిటీలోనే ఉంది.. ఈ మొక్కేంటి.. దాని ప్రత్యేకత ఏంటనేది ఇప్పుడు చూద్దాం..
ఈ మొక్క పేరు కంద.. సాధారణంగా ఇళ్ళలో, తోటల్లో కనిపించే కంద (Elephant Foot Yam) మొక్కల పొడవు నాలుగు అడుగులకు మించదు.. కానీ హైదరాబాద్‌లోని కొంపల్లిలో.. పామ్ స్ర్పింగ్ అపార్ట్‌మెంట్స్, ఫ్లాట్ నెంబర్-103లో నివసిస్తున్న వెంకట రమేశ్‌బాబు పెరట్లో ఉన్న కంద మొక్క మాత్రం ఏకంగా 12.5 అడుగులు.. అంటే 3.7 మీటర్ల ఎత్తు పెరిగింది. దీన్ని చూసిన జనాలంతా ఆశ్చర్యపోతున్నారు. కాగా అరుదైన కంద రకంగా అందరూ భావిస్తున్నారు. ఈ మొక్కను చూసిన స్థానికులు.. ఫొటోలు దిగడడానికి క్యూ కట్టేస్తున్నారు.
Updated Date - 2022-05-27T15:48:11+05:30 IST