పసిపాపను ఆస్పత్రి కిటికీలోంచి విసిరేసిన తల్లి.. 12 ఏళ్ల క్రితం నాటి కేసులో కోర్టు తుది తీర్పు ఏంటంటే..
ABN, First Publish Date - 2022-04-21T23:46:32+05:30
నవమాసాలు మోసి, పురిటినొప్పులను కూడా భరించి ఓ ఆడపిల్లకు ఆమె జన్మనిచ్చింది. అయితే కుటుంబ కారణాలో లేక మరే ఇతర కారణాలు ప్రేరేపించాయో కానీ ఆమె సంచలన నిర్ణయం తీసుకుంది. కన్నబిడ్డ
ఇంటర్నెట్ డెస్క్: నవమాసాలు మోసి, పురిటినొప్పులను కూడా భరించి ఓ ఆడపిల్లకు ఆమె జన్మనిచ్చింది. అయితే కుటుంబ కారణాలో లేక మరే ఇతర కారణాలు ప్రేరేపించాయో కానీ ఆమె సంచలన నిర్ణయం తీసుకుంది. కన్నబిడ్డను తన చేతులతోనే ఆస్పత్రి కిటికీలోంచి బయటకు విసిరేసింది. దాదాపు 12ఏళ్ల క్రితం జరిగిన ఈ ఘటనపై కోర్టు తాజాగా తుది తీర్పు వెల్లడించింది. ఇందుకు సంబంధించిన పూర్తి వివరాల్లోకి వెళితే..
మహరాష్ట్రకు చెందిన దీపిక పార్మర్ అనే మహిళకు కొన్నళ్ల క్రితం వివాహం జరిగింది. ఈ క్రమంలోనే గర్భందాల్చి పండంటి ఆడపిల్లకు జన్మనిచ్చింది. పుట్టిన గంటల వ్యవధిలోనే ఆమె కఠిన నిర్ణయం తీసుకుంది. కారణం ఏంటో తెలియదు కానీ.. 2010 అక్టోబర్ 26న ఉదయం 5 గంటలకు ముంబైలోని కేఈఎమ్ ఆసుపత్రి కిటికీల నుంచి కన్నబిడ్డను తన చేతులతోనే బయటకు విసిరేసింది. ఆ తర్వాత బిడ్డ కనబడటం లేదంటూ నాటకాలాడింది. ఆసుపత్రి ప్రాంగణంలోని బాత్రూమ్‌ల వద్ద వైద్య సిబ్బంది పాపను గుర్తించినప్పటికీ ఆ చిన్నారి ఆరోగ్యం క్షీణించడం వల్ల మరణించింది. ఈ క్రమంలో అప్పట్లో కేసు నమోదు చేసుకున్న పోలీసులు.. ఆ పసిపాప మరణానికి తల్లి దీపిక పార్మరే కారణం అని గుర్తించారు. అందుకు అవసరమైన సాక్ష్యాలను కూడా సంపాదించారు. కాగా.. ఈ కేసుపై సుదీర్ఘ విచారణ జరిపిన సెషన్స్ కోర్టు తాజాగా తుది తీర్పు వెల్లడించింది. దీపిక పార్మర్‌కు యావజ్జీవ శిక్ష విధిస్తూ తీర్పు చెప్పింది. కోర్టు తీర్పుపై స్పందించిన దీపిక పార్మర్ భర్త.. ఈ ఆదేశాలను హైకోర్టులో సవాలు చేయనున్నట్టు వెల్లడించాడు.
Updated Date - 2022-04-21T23:46:32+05:30 IST