Unacademy: అస్సలు ఊహించలేరు.. మరీ ఇలా చేసిందేంటి.. ఓ ఆట ఆడుకుంటున్న నెటిజన్లు!
ABN, First Publish Date - 2022-12-16T13:02:09+05:30
Unacademy.. దీని గురించి దాదాపు అందరికీ తెలుసు. ఈ ఎడ్యూకేషనల్ టెక్నాలజీ కంపెనీ.. బెంగళూరు కేంద్రంగా పని చేస్తూ పలు రకాల ఆన్లైన్ క్లాసులను అందుబాటులోకి తెచ్చింది. అయితే.. తాజాగా..
ఇంటర్నెట్ డెస్క్: Unacademy.. దీని గురించి దాదాపు అందరికీ తెలుసు. ఈ ఎడ్యూకేషనల్ టెక్నాలజీ కంపెనీ.. బెంగళూరు కేంద్రంగా పని చేస్తూ పలు రకాల ఆన్లైన్ క్లాసులను అందుబాటులోకి తెచ్చింది. అయితే.. తాజాగా ఈ సంస్థ పెద్ద తప్పు చేసి, అడ్డంగా దొరికిపోయింది. కేవలం లాభాలపైనే దృష్టిపెట్టి Unacademy.. ముందూ వెనకా చూసుకోకుండా ఓ ప్రముఖ వ్యక్తి ఐడెంటిటీనే మార్చేసింది. దీంతో సోషల్ మీడియా వేదికగా నెటిజన్లు Unacademyని ఓ ఆట ఆడుకుంటున్నారు. ఈ నేపథ్యంలో అసలు ఇంతకూ ఏం జరిగిందనే పూర్తి వివరాల్లోకి వెళితే..
లింక్డిన్(LinkedIn)కు ప్రత్యామ్నాయంగా అన్అకాడమీ NextLevel ప్రారంభిస్తోంది. ఈ నేపథ్యంలోనే దాన్ని ప్రమోట్ చేసుకోవడానికి.. తాజాగా ఓ ప్రకటను సోషల్ మీడియాలో రిలీజ్ చేసింది. ఆ ప్రకటనలో సాగర్ చౌహన్ అనే వ్యక్తిని సీనియర్ ఫ్రంటెండ్ ఇంజినీర్గా పరిచయం చేసింది. ఇంత వరకూ బాగానే ఉన్నా.. ఆ తర్వాతే Unacademy తప్పులో కాలేసీ అడ్డంగా దొరికిపోయింది. సాగర్ చౌహన్ ప్రొఫైల్ దగ్గర సంబంధిత వ్యక్తి ఫొటోను ప్రచురించకుండా.. ప్రముఖ రచయిత, చరిత్రకారుడైనటువంటి మను ఎస్ పిళ్లై(Manu S Pillai) ఫొటోను ప్రచురించింది. ఇలా Unacademy సోషల్ మీడియాలో విడుదల చేసిన ప్రకటనను.. ఆ సంస్థ వ్యవస్థాపకుడు గౌరవ్ ముంజాల్ కూడా ట్విట్టర్లో పోస్టు చేశాడు. పైగా Unacademy NextLevelను ఎంచుకోవాలంటూ పిలుపునిచ్చాడు.
గౌరవ్ ముంజాల్ చేసిన ఆ ట్వీట్ కాస్తా Manu S Pillai దృష్టికి వెళ్లడంతో ఆయన స్పందించారు. ‘ఇలా జరగడం ఇదే తొలిసారేమీ కాదు. నా ముఖం అలా ఉంటుంది. చాలా రకాల ప్రకటలనకు దాన్ని వాడుకోవచ్చు’ అంటూ Unacademy చేసిన తప్పును ఉద్దేశిస్తూ ట్వీట్ చేశారు. దీంతో ఆ ట్వీట్ కాస్తా వైరల్ అయింది. ఈ నేపథ్యంలో నెటిజన్లు స్పందిస్తూ రకరకాలుగా కామెంట్స్ చేస్తున్నారు. Unacademy ఇలా చేస్తుందని అస్సలు ఊహించలేదంటూ అసహనం వ్యక్తం చేస్తున్నారు.
Updated Date - 2022-12-16T13:32:58+05:30 IST