Viral Video: రోడ్డుపై ఓ వ్యక్తి బ్రేక్ డ్యాన్స్.. నెటిజన్లు ఫిదా!
ABN, First Publish Date - 2022-07-11T21:22:17+05:30
సోషల్ మీడియా అందుబాటులోకి వచ్చాక మారుమూల ప్రాంతాల్లో ఉన్న వారి ట్యాలెంట్ కూడా అందరికీ చేరువవుతోంది.
సోషల్ మీడియా అందుబాటులోకి వచ్చాక మారుమూల ప్రాంతాల్లో ఉన్న వారి ట్యాలెంట్ కూడా అందరికీ చేరువవుతోంది. మట్టిలో మాణిక్యాలను ప్రపంచానికి పరిచయం చేస్తోంది. లుంగీ, షర్టు వేసుకున్న ఓ వ్యక్తి రోడ్డుపై చేసిన బ్రేక్ డ్యాన్స్ వీడియో సోషల్ మీడియాలో వైరల్ అవుతోంది. అతని డ్యాన్స్‌కు నెటిజన్లు ఫిదా అవుతున్నారు. రాజ్‌కుమార్ అనే వ్యక్తి ఈ వీడియోను ఇన్‌స్టాగ్రామ్‌లో షేర్ చేశాడు.
Gentleman సినిమాలోని `చికు బుకు చికు బుకు రైలే` పాటకు రమేష్ అనే వ్యక్తి డ్యాన్స్ వేశాడు. చెప్పులు, లుంగీ, షర్టు వేసుకుని రాత్రి పూట రోడ్డుపై చాలా స్టైలిష్‌గా డ్యాన్స్ చేశాడు. మూన్ వాక్ కూడా చేశాడు. ఈ వీడియో ఇప్పటికి కోటికి పైగా వ్యూస్ సాధించింది. పది లక్షల మంది ఈ వీడియోను లైక్ చేశారు. పలువురు సెలబ్రిటీలు కూడా రమేష్ డ్యాన్స్‌ను ప్రశంసించారు.
Updated Date - 2022-07-11T21:22:17+05:30 IST