1. • Home » Prathyekam » madhya pradesh couple end their life prvn spl-MRGS-Prathyekam

Painful News: అప్పటికే పెళ్లైన మహిళతో 5ఏళ్లుగా సహజీవనం.. ఐదు నెలల కిందే పెళ్లి.. ఇప్పుడు ఈ దంపతులు ఎంత పని చేశారంటే..

ఆమెకు అప్పటికే పెళ్లైందని అతడికి తెలుసు. అయినా ఇష్టపడ్డాడు. ఆమె కూడా అతడిపై మనసు పడింది. ఈ క్రమంలోనే ఇద్దరూ ఐదేళ్లపాటు సహజీవనం చేశారు. పిల్లలకు కూడా జన్మనిచ్చారు. ఈ మధ్యే 5 నెలల కిందట పెళ్లి

ఇంటర్నెట్ డెస్క్: ఆమెకు అప్పటికే పెళ్లైందని అతడికి తెలుసు. అయినా ఇష్టపడ్డాడు. ఆమె కూడా అతడిపై మనసు పడింది. ఈ క్రమంలోనే ఇద్దరూ ఐదేళ్లపాటు సహజీవనం చేశారు. పిల్లలకు కూడా జన్మనిచ్చారు. ఈ మధ్యే 5 నెలల కిందట పెళ్లి బంధంతో ఒక్కటయ్యారు. ఈ నేపథ్యంలో ఈ దంపతులు తాజాగా తీసుకున్న నిర్ణయం.. స్థానికంగా హాట్ టాపిక్ అయింది. స్థానికంగా కలకలం సృష్టించిన ఆ ఘటనకు సంబంధించిన పూర్తి వివరాల్లోకి వెళితే.. 

మధ్యప్రదేశ్‌‌కు(Madhya Pradesh) చెందిన రీనాకు కొన్నేళ్ల క్రితమే ఓ వ్యక్తితో వివాహం జరిగింది. పెళ్లైన కొత్తలో ప్రేమను చూపించిన భర్త.. తర్వాత ఆమెను హింసించాడు. రోజూ ఆమెను కొట్టడం ప్రారంభించాడు. ఆ బాధలు భరించలేకపోయిన రీనా.. అతడిని వదిలేసింది. ఈ క్రమంలోనే రీనాకు దీపక్ అనే వ్యక్తి పరిచయం అయ్యాడు. ఇద్దరి మధ్య ఏర్పడ్డ ఈ పరిచయం.. ఆ తర్వాత ప్రేమగా మారింది. ఒకరినొకరు ఇష్టపడి.. దీపక్ తల్లి అంగీకారంతో ఇద్దరూ ఇండోర్‌లో సహజీవనాన్ని ప్రారంభించారు. ఐదేళ్లపాటు లివింగ్ రిలేషన్‌(living relationship)లో ఉన్న రీనా, దీపక్.. పిల్లలకు జన్మనిచ్చారు. ఈ క్రమంలో 5నెలల కిందటే వివాహ(Marriage) బంధంతో ఒక్కటయ్యారు. అయితే.. అనూహ్యంగా ఈ దంపతులు ఇద్దరూ సంచలన నిర్ణయం తీసుకున్నారు. ఆత్మహత్య చేసుకుని ప్రాణాలు వదిలారు. 

విషయం తెలుసుకుని ఘటనా స్థలానికి చేరుకున్న పోలీసులు(Police).. మృతదేహాలను పోస్ట్‌మార్టం నిమిత్తం ఆసుపత్రికి తరలించారు. ఈ సందర్భంగా దీపక్ తల్లి మాట్లాడుతూ.. పెళ్లైన తర్వాత దీపక్, రీనాల మధ్య మనస్పర్థలు వచ్చాయని.. దీంతో తరచూ గొడవలు పడేవారని తెలిపింది. ఒకరిపై ఒకరు నమ్మకం కోల్పోయారని వెల్లడించింది.అంతేకాకుండా వేరు కాపురం కోసం రీనా పట్టుబట్టిందని.. దానికి దీపక్ ఒప్పుకోలేదని చెప్పింది. ఈ ఘటనపై పోలీసులు మాట్లాడుతూ..తొలుత రీనా ఆత్మహత్య చేసుకుని ప్రాణాలు వదిలి ఉంటుందని.. ఆమె మరణించిన విషయం తెలిసి దీపక్ ఉరేసుకుని ఉంటాడని అభిప్రాయపడ్డారు.