చాణక్య నీతి: విజయం మిమ్మల్ని అనుక్షణం ముద్దాడాలంటే ఇలా జీవించండి!
ABN, First Publish Date - 2022-04-14T12:49:44+05:30
చాణక్య నీతిలో తెలిపిన వివరాల ప్రకారం జీవితంలో...
చాణక్య నీతిలో తెలిపిన వివరాల ప్రకారం జీవితంలో విజయం సాధించడానికి ఉత్తమ లక్షణాలను అలవర్చుకోవడం చాలా ముఖ్యం. సద్గుణవంతుల ప్రవర్తన, భాష, మాటలు అందరినీ ఆకర్షిస్తాయి. మీరు జీవితంలో విజయం సాధించాలంటే చాణక్యుడు తెలిపిన ఈ విషయాలు జీవితంలో అమలు చేయాలి. చాణక్య నీతిలో మనిషి జీవితంలో విజయవంతం కావడానికి చాలా విషయాలు ప్రస్తావించారు. ఈ విధానాలను అవలంబించడం ద్వారా మనిషి తన జీవితంలో అమోఘమైన విజయాలను సాధించగలుగుతాడు. అలాగే జీవితంలో ఎదురయ్యే అనేక సమస్యల నుండి సులభంగా బయటపడగలుగుతాడు. ఆచార్య చాణక్యగా పేరుగాంచిన విష్ణుగుప్తుని మాటల్లో ఎన్నో జీవిత రహస్యాలు దాగున్నాయి. జీవితంలో విజయం సాధించడానికి చాణక్య ఏమి చెప్పారో ఇప్పుడు తెలుసుకుందాం.
1. అత్యాశ అనేది మనిషిపై అనవసరమైన ఒత్తిడిని తీసుకువస్తుంది. మనిషిని స్వార్థపరుడిని చేస్తుంది. అనేక తప్పుడు పనులకు పురిగొల్పుతుంది. అత్యాశ కలిగిన మనిషి వివాదాల్లో చిక్కుకుని తీవ్రమైన ఒత్తిడికి గురవుతాడు.
2. ఆచార్య చాణక్య తెలిపిన వివరాల ప్రకారం అపజయం, భయం అనేవి మనిషి మనసులో ఆధిపత్యం చెలాయిస్తే అతను దిగులు పడతాడు. ఇలాంటి పరిస్థితుల్లో విజయం సాధించలేడు. ఇటువంటి పరిస్థితి నుంచి బయటపడాలంటే మీ మనసులో పేరుకుపోయిన భయాలను తొలగించుకోండి.
3. మనిషి అహంకారానికి దూరంగా ఉండాలి. ఇది మనిషిని వాస్తవికత నుండి దూరం చేయడమే కాకుండా అతని సామర్థ్యాన్ని కూడా నాశనం చేస్తుంది. దీని కారణంగా అతను అనవసరంగా అనేక సమస్యలను, ఒత్తిడిని ఎదుర్కొంటాడు.
4. అత్యంత నిజాయితీతో వ్యవహరించాలనుకునేవారు అప్పుడప్పుడు తమకు తామే హాని చేసుకుంటారు. అందుకే పరిస్థితులకు అనుగుణంగా మనిషి నడుచుకోవాలని ఆచార్య చాణక్య సూచించారు.
Updated Date - 2022-04-14T12:49:44+05:30 IST