ఆకలితో ఉన్న ఆవు, దూడలకు అతను ఏమి పెడుతున్నాడో చూస్తే... మీకూ నోరూరుతుంది!
ABN, First Publish Date - 2022-10-02T17:17:19+05:30
పానీపూరీలు తినడమంటే మనుషులకే కాదు...
పానీపూరీలు తినడమంటే మనుషులకే కాదు పశువులకు కూడా ఇష్టమేమని ఒక వీడియో రుజువు చేస్తోంది. రోడ్డుపై వెళుతున్న ఒక ఆవు, దాని దూడ ఎంతో ఇష్టంగా పానీపూరీలు తింటున్న వీడియో వైరల్‌గా మారింది. ఈ వీడియో ఎప్పటిదో అయినప్పటికీ, మరోసారి అది సోషల్ మీడియాలో కవర్ అవుతోంది. పానీపూరీ పేరు చెప్పగానే చాలా మందికి నోటిలో నీళ్లు నానుతాయి. అయితే ఇప్పుడు పానీపూరీ రుచిని ఆవులు కూడా అమితంగా ఇష్టపడుతున్నాయి.
ఈ ఆసక్తికరమైన వీడియోలో ఒక వ్యక్తి ఆవుకు, దాని దూడకు పానీపూరీలు తినిపిస్తూ కనిపిస్తున్నాడు. ఆ ఆవు, దూడ కూడా పానీపూరీలను ఎంతో ఇష్టంగా తింటున్నాయి. ఈ వీడియోను జార్ఖండ్ కలెక్టర్ సంజయ్ కుమార్ తన ట్విట్టర్ హ్యాండిల్‌లో షేర్ చేశారు. ఈ వీడియోను చూసినవారంతా తెగ ముచ్చటపడిపోతూ, రకరకాలుగా కామెంట్లు చేస్తున్నారు.
Updated Date - 2022-10-02T17:17:19+05:30 IST