ఫిర్యాదు చేయడానికి పోలీస్ స్టేషన్కు వెళ్లిన మహిళతో ఆ పోలీస్ అధికారి ఏం చేయించాడంటే.. వీడియో బయటపడడంతో..
ABN, First Publish Date - 2022-04-29T19:44:22+05:30
ప్రజలను రక్షించాల్సిన కొందరు పోలీసులు అధికార మదంతో వారిని పీడిస్తున్నారు. అమాయకులతో తమ ఇష్టం వచ్చినట్టుగా ప్రవర్తిస్తున్నారు.
ప్రజలను రక్షించాల్సిన కొందరు పోలీసులు అధికార మదంతో వారిని పీడిస్తున్నారు. అమాయకులతో తమ ఇష్టం వచ్చినట్టుగా ప్రవర్తిస్తున్నారు. తాజాగా బీహార్లో ఇలాంటి ఘటనే ఒకటి బయటపడింది. ఫిర్యాదు చేయడానికి పోలీస్ స్టేషన్కు వచ్చిన ఓ మహిళతో అధికారి మసాజ్ చేయించుకున్నాడు. షర్టు విప్పేసి ఆమె చేత ఒళ్లు పట్టించుకున్నాడు. ఎవరో ఆ ఘటనను వీడియో తీయడంతో అతణ్ని పై అధికారులు సస్పెండ్ చేశారు.
బీహార్లోని సహస్రా జిల్లా దాహర్ అవుట్పోస్ట్కు ఓ మహిళ ఫిర్యాదు చేయడానికి వచ్చింది. అక్కడ విధులు నిర్వహించే సీనియర్ అధికారి శశిభూషణ్ సిన్హా ఆ మహిళతో అసభ్యంగా ప్రవర్తించాడు. ఆ మహిళతో పోలీస్ స్టేషన్లోనే బలవంతంగా మసాజ్ చేయించుకున్నాడు. షర్ట్ను అక్కడే వేలాడదీసి ఆమెతో ఒళ్లు రుద్దించుకున్నాడు. ఆ ఘటనను ఎవరో వీడియో తీసి సోషల్ మీడియాలో పోస్ట్ చేశారు.
ఆ వీడియో వైరల్ కావడంతో ఆ అధికారి తీరుపై విమర్శలు వెల్లువెత్తాయి. దీంతో పై అధికారులు స్పందించారు. సదరు అధికారిపై వేటు వేశారు. ఆ ఘటనపై విచారణకు ఆదేశించారు.
Updated Date - 2022-04-29T19:44:22+05:30 IST