ఆర్మీ ఉద్యోగి భార్యపై అధికారి అత్యాచార యత్నం.. ఫిర్యాదు చేస్తే ఏమన్నారంటే..
ABN, First Publish Date - 2022-03-18T19:29:00+05:30
అతను ఒక ఆర్మీ ఉద్యోగి.. తన భార్యతో కలిసి క్వార్టర్స్‌లో నివసిస్తున్నాడు..
అతను ఒక ఆర్మీ ఉద్యోగి.. తన భార్యతో కలిసి క్వార్టర్స్‌లో నివసిస్తున్నాడు.. ఇటీవల ఆర్మీలో ఉన్నతాధికారి అతని ఇంటికి వెళ్లాడు.. ఎవరూ లేని సమయంలో అతని భార్యపై అత్యాచారానికి ప్రయత్నించాడు.. విషయం తెలుసుకున్న భర్త ఆర్మీ అధికారులకు ఫిర్యాదు చేశాడు.. వారు ఆ ఘటనను తొక్కి పెట్టడానికి చూశారు.. ఆ ఉద్యోగిని వేధించారు.. దీంతో ఆ వ్యక్తి పోలీసులకు ఫిర్యాదు చేశాడు.
రాజస్థాన్‌లోని జోధ్‌పూర్‌లో నివసిస్తున్న ఆర్మీ సైనికుడు ఈ నెల 14వ తేదీన విధుల్లో ఉన్నాడు. ఆ సమయంలో అతని అపార్ట్‌మెంట్‌లోనే ఉన్న అధికారి అతని ఇంటికి వెళ్లాడు. ఇంట్లో ఒంటరిగా ఉన్న మహిళపై అత్యాచార యత్నం చేశాడు. ఆమె గట్టిగా కేకలు వేయడంతో భయపడి పారిపోయాడు. భర్త వచ్చిన తర్వాత తనపై జరిగిన అత్యాచార యత్నం గురించి ఆ మహిళ చెప్పింది. దీంతో బాధితురాలి భర్త ఆ ఘటన గురించి పై అధికారులకు ఫిర్యాదు చేశాడు.
ఆ ఘటనపై విచారణకు ఆదేశించి అత్యాచారానికి పాల్పడిన అధికారిని శిక్షించాల్సిన ఆర్మీ ఉన్నతోద్యోగులు అతడిని కాపాడేందుకు ప్రయత్నించారు. ఫిర్యాదు చేసిన సైనికుడినే వేధింపులకు గురి చేశారు. దీంతో అతను స్థానిక పోలీసులను ఆశ్రయించాడు. కేసు నమోదు చేసుకున్న పోలీసులు నిందితుడిని, అతడిని కాపాడేందుకు ప్రయత్నించిన ఆర్మీ అధికారులను విచారిస్తున్నారు.
Updated Date - 2022-03-18T19:29:00+05:30 IST