హిట్లర్ తన ఆత్మహత్యకు ఒక రోజు ముందు వివాహం చేసుకుని..
ABN, First Publish Date - 2022-05-01T17:56:36+05:30
అది ఏప్రిల్ 30, 1945 మధ్యాహ్నం సమయం.
అది ఏప్రిల్ 30, 1945 మధ్యాహ్నం సమయం. జర్మన్ నియంత అడాల్ఫ్ హిట్లర్ ఇకపై తాను గెలవలేనని, తన ఓటమి ఖాయమనే నిర్ణయానికి వచ్చేశాడు. అయితే తాను శత్రువుకు సజీవంగా చిక్కకూడదని అనుకున్నాడు. ఆత్మహత్య చేసుకోవాలని నిర్ణయించుకున్నాడు. బంకర్లో ఉన్న తన సహచరులకు విషంతో నిండిన కుండలను పంచాడు. ఆ విషాన్ని హిట్లర్ అప్పటికే తన కుక్కపై ప్రయోగించాడు. 3:30 గంటలకు హిట్లర్ భార్య ఎవా బ్రాన్ విషాన్ని మింగింది.
అదే సమయంలో హిట్లర్ తన తలపై తుపాకీ గురిపెట్టుకుని కాల్చుకున్నాడు. అతని వ్యక్తిగత సేవకుడు హైంట్స్ లింగే కొన్ని నిమిషాల తర్వాత గదిలోకి వచ్చాడు. రెండు మృతదేహాలను దుప్పట్లతో చుట్టి, నాజీ పార్టీకి చెందిన ఇద్దరు SS సైనికుల సహాయంతో ఛాన్సలర్ కార్యాలయంలోని లాన్కు తీసుకెళ్లి, పెట్రోలు పోసి ఇద్దరి మృతదేహాలను కాల్చాడు. హిట్లర్ అనుచరుల మృతదేహాలను బంకర్ సమీపంలోని గొయ్యిలో పూడ్చిపెట్టారు. రెండో ప్రపంచ యుద్ధంలో జర్మనీ ఓటమి అంచున ఉంది. దీంతో జనవరి 16, 1945 నుండి హిట్లర్ తన రీచ్-ఛాన్సలర్ కార్యాలయంలో నిర్మించిన భూగర్భ బంకర్లో నివసించసాగాడు. ఏప్రిల్ 25న హిట్లర్ తన వ్యక్తిగత అంగరక్షకుడు హీంజ్ లింగేని పిలిచి, తాను తనను కాల్చుకున్న వెంటనే, తన మృతదేహాన్ని ఛాన్సలరీ గార్డెన్కి తీసుకెళ్లి నిప్పంటించండి. తద్వారా మరణించిన తర్వాత ఎవరూ నన్ను చూడలేరని చెప్పాడు. కాగా ఆత్మహత్య చేసుకోవడానికి ఒకరోజు ముందు తన ప్రియురాలిని పెళ్లి చేసుకున్నాడు. ఏప్రిల్ 25 నుండి సోవియట్ దళాలు బెర్లిన్ను చుట్టుముట్టాయి. సోవియట్ సైన్యం చేతిలో చిక్కుకున్నందుకు ఆత్మహత్య చేసుకోవాలని హిట్లర్ ఏప్రిల్ 27న నిర్ణయించుకున్నాడని చెబుతారు.
దీని తరువాత ఏప్రిల్ 28 అర్ధరాత్రి హిట్లర్ తన చిరకాల స్నేహితురాలు ఎవా బ్రాన్ని తన బంకర్లో వివాహం చేసుకున్నాడు. ఈ వివాహానికి ఆయన మంత్రి గోబెల్స్ సాక్షిగా మారారు. అడాల్ఫ్ హిట్లర్ పార్కిన్సన్స్ వ్యాధితో పాటు అనేక శారీరక, మానసిక సమస్యలను ఎదుర్కొన్నాడు. అతను సాధారణ ఆహారం మాత్రమే తినేవాడు. 20 ఏప్రిల్ 1945న, హిట్లర్ తన 56వ పుట్టినరోజును బంకర్లోనే జరుపుకున్నాడు. ఆ రోజు విందులో షాంపేన్ సర్వ్ చేశారని చెబుతారు.
Updated Date - 2022-05-01T17:56:36+05:30 IST