Austin cityలో పనిచేస్తున్న ప్రవాసులకు ఓ గుడ్ న్యూస్.. గంటకు రూ.1700 పైనే కనీస వేతనాన్ని పెంచుతూ..
ABN, First Publish Date - 2022-06-21T02:19:21+05:30
జీవన వ్యవయాలు పెరుగుతున్న తరుణంలో టెక్సాస్‌ రాష్ట్రంలోని(అమెరికా) ఆస్టిన్ సిటీ కౌన్సిల్(Austin city council) తాజాగా కీలక నిర్ణయం తీసుకుంది. సిటీ(నగర) ఉద్యోగుల కనీస వేతనాన్ని గంటకు 22 డాలర్లు(సుమారు రూ.1700)కు పెంచాలన్న తీర్మానానికి తాజాగా ఆమోదముద్ర వేసింది.
ఎన్నారై డెస్క్: జీవన వ్యయాలు పెరుగుతున్న తరుణంలో టెక్సాస్‌ రాష్ట్రంలోని(అమెరికా) ఆస్టిన్ సిటీ కౌన్సిల్(Austin city council) తాజాగా కీలక నిర్ణయం తీసుకుంది. సిటీ(నగర) ఉద్యోగుల కనీస వేతనాన్ని గంటకు 22 డాలర్లు(సుమారు రూ.1700)కు పెంచాలన్న తీర్మానానికి తాజాగా ఆమోదముద్ర వేసింది. ఈ దిశగా ప్రణాళిక రూపొందించాలంటూ సిటీ మేనేజర్‌ను కౌన్సిల్ కోరింది. ప్రస్తుత జీవన వ్యయానికి తగినట్టుగా జీతాలు పెంచాలంటూ సిటీ ఉద్యోగులు ఇటీవల కోరిన నేపథ్యంలో నగర పాలక సంస్థ ఈ నిర్ణయం తీసుకుంది. ఇక 2023 బడ్జెట్‌లో ఈ వేతనాల పెరుగుదల సాధ్యం కాని పక్షంలో వీలైనంత ఎక్కువగా కనీస వేతనాన్ని నిర్ధారించేందుకు ప్రయత్నిస్తామని కౌన్సిల్ పేర్కొంది. వచ్చే నెలలో సిటీ మేనేజర్ తన వార్షిక బడ్జెట్‌ ప్రతిపాదనను కౌన్సిల్ ముందుకు తేనున్నారు. కాగా.. ఈ వేతనాల పెంపు సిటీ వర్కర్లతో పాటూ ప్రభుత్వ కాంట్రాక్టులు పొందిన కంపెనీల ఉద్యోగులకు వర్తించనుంది. మరోవైపు.. ఆటోమేటిక్, సెమీ ఆటోమేటిక్ గన్స్‌ను కొనుగోలుకు కనీస వయసును కూడా పెంచాలన్న తీర్మానానికి కూడా సిటీ కౌన్సిల్ ఆమోద ముద్ర వేసింది.
Updated Date - 2022-06-21T02:19:21+05:30 IST