ఆన్‌లైన్‌ చేసిన చిన్న తప్పు.. ఈ NRI కొంప ముంచింది
ABN, First Publish Date - 2022-03-07T22:06:06+05:30
ఆయన ఒక ఎన్నారై. అగ్రరాజ్యం అమెరికాలో ఉన్నత చదువులు చదువుతున్నాడు. కొద్ది రోజుల క్రితమే తల్లిదండ్రుల దగ్గరకు వచ్చాడు. ఈ క్రమంలో ఆన్‌లైన్‌లో అతడు ఓ చిన్న పొరపాటు చేశాడు. ఫలితంగా భారీ మొ
ఎన్నారై డెస్క్: ఆయన ఒక ఎన్నారై. అగ్రరాజ్యం అమెరికాలో ఉన్నత చదువులు చదువుతున్నాడు. కొద్ది రోజుల క్రితమే తల్లిదండ్రుల దగ్గరకు వచ్చాడు. ఈ క్రమంలో ఆన్‌లైన్‌లో అతడు ఓ చిన్న పొరపాటు చేశాడు. ఫలితంగా భారీ మొత్తంలో నష్టపోయాడు. దీంతో పోలీసులను ఆశ్రయించాడు. ఇందుకు సంబంధించిన పూర్తి వివరాల్లోకి వెళితే..
ముంబైలోని పోవై ప్రాంతానికి చెందిన రాహుల్ సింగ్(పేరు మార్చడం జరిగింది) అనే వ్యక్తి ఉన్నత చదువుల కోసం కొన్నేళ్ల క్రితం అమెరికా వెళ్లాడు. తల్లిదండ్రులను చూసేందుకు రెండు నెలల క్రితమే ఇండియాకు తిరిగొచ్చాడు. ఈ క్రమంలోనే తాజాగా రాహుల్ సింగ్.. సరదాగా ఫ్రెండ్స్‌తో పార్టీ చేసుకోవాలని ప్లాన్ చేశాడు. ఇందులో భాగంగా వైన్‌షాప్‌కు వెళ్లి మద్యం బాటిళ్లు తెచ్చుకోకుండా ఆన్‌లైన్‌ను ఆశ్రయించాడు. వైన్‌షాప్ ఫోన్ నెంబర్ కోసం ఇంటర్నెట్‌లో సర్చ్ చేశాడు. తర్వాత ఓ నెంబర్‌కు కాల్ చేసి, బ్యాంక్ వివరాలను అన్నింటిని ఇచ్చేసి రూ.786 విలువైన ఆరు మద్యం బాటిళ్లను ఆర్డర్ చేశాడు. కొద్ది సమయం తర్వాత ఫోన్‌కు వచ్చిన మెసేజ్‌లు చూసి షాకయ్యాడు. విడుతల వారీగా తన ఎన్నారై అకౌంట్ ఖాతా నుంచి రూ.2.5లక్షలు కట్ కావడంతో కంగుతిన్నాడు. చివరికి తాను మోసపోయినట్టు గ్రహించి, పోలీసులను ఆశ్రయించాడు. దీంతో కేసు నమోదు చేసుకున్న అధికారులు దర్యాప్తు ప్రారంభించారు.
Updated Date - 2022-03-07T22:06:06+05:30 IST