World's Most Expensive Home: ఇంద్ర భవనాన్ని తలదన్నే భవంతిలో సౌదీ యువరాజు బస.. ఈ భవనం ప్రత్యేకతలు తెలిస్తే..!
ABN, First Publish Date - 2022-07-29T17:20:12+05:30
ఫ్రాన్స్ పర్యటనలో ఉన్న సౌదీ యువరాజు మహ్మద్ బిన్ సల్మాన్ బస చేస్తున్న విలాసవంతమైన భవనం తాజాగా మరోసారి వార్తల్లో నిలిచింది. ప్రపంచంలోనే అత్యంత విలాసవంతమైన భవనాల్లో ఒకటిగా పేరొందిన ఈ భవంతి భూమిపై ఉన్న ఇంద్ర భవనంలా ఉంటుంది. చాటువు లూయిస్‌గా పిలువబడే ఈ భవంతని ప్రిన్స్ 2015లో కొనుగోలు చేశాడు.
ప్యారిస్: ఫ్రాన్స్ (France) పర్యటనలో ఉన్న సౌదీ (Saudi) యువరాజు మహ్మద్ బిన్ సల్మాన్ (Mohammed bin Salman) బస చేస్తున్న విలాసవంతమైన భవనం తాజాగా మరోసారి వార్తల్లో నిలిచింది. ప్రపంచంలోనే అత్యంత విలాసవంతమైన భవనాల్లో ఒకటిగా పేరొందిన ఈ భవంతి భూమిపై ఉన్న ఇంద్ర భవనంలా ఉంటుంది. చాటువు లూయిస్ XIV (Chateau Louis XIV)గా పిలువబడే ఈ భవంతని ప్రిన్స్ 2015లో కొనుగోలు చేశాడు. ప్యారిస్ (Paris) వెలుపల లూవెసియెన్నెస్‌లో ఈ విలాసవంతమైన భవంతి ఉంది. దీన్ని ఫ్రాన్స్‌లో (France) లగ్జరీ ప్రాపర్టీ డెవలప్‌మెంట్ బిజినెస్ నిర్వహించే జమాల్ ఖషోగ్గి (Jamal Khashoggi) బంధువు ఎమాద్ ఖషోగ్గి (Emad Khashoggi) నిర్మించారు.
ఇంద్ర భవనాన్ని ఏమాత్రం తీసిపోని విధంగా ఉండే ఈ భవంతి 7వేల చదరపు మీటర్ల విస్తీర్ణంలో నిర్మితమైంది. ఇందులో నైట్‌క్లబ్, గోల్డ్-లీఫ్ ఫౌంటెన్, సినిమా హాల్, తెల్లటి తోలు సోఫాలతో కూడిన నీటి అడుగున ఉండే గాజు గది, పెద్ద అక్వేరియం వంటివి ఉన్నాయి. 2015లో ప్రిన్స్ దీన్ని 275 మిలియన్ యూరోస్(రూ. 238,715,10,000)కు కొనుగోలు చేశారు. దాంతో ప్రముఖ మ్యాగ్జిన్ ఫార్చ్యూన్ ఈ విలాసవంతమైన భవంతిని ప్రపంచంలోనే అత్యంత ఖరీదైన ఇల్లుగా పేర్కొంది. ఇప్పుడు సల్మాన్ బిన్ ఇందులో బస చేస్తుండడంతో మరోసారి వార్తల్లోకి ఎక్కింది. భవంతికి యువరాజు రావడంతో బయట మీడియా, భద్రతా సిబ్బంది హడావుడితో పండగ వాతావరణం నెలకొంది.
Updated Date - 2022-07-29T17:20:12+05:30 IST