Russia: 8 నుంచి అన్ని అంతర్జాతీయ విమానాల రాకపోకలు బంద్.. ‘ఎయిరిండియా’ యథాతథం
ABN, First Publish Date - 2022-03-06T13:37:01+05:30
రష్యా తన గగనతలాన్ని మూసివేయాలని నిర్ణయించింది. ఈ నెల 8 నుంచి అన్ని అంతర్జాతీయ విమానాల రాకపోకలను నిలిపివేయనున్నట్లు రష్యన్‌ ఎయిర్‌లైన్స్‌ ఏరోఫ్లోట్‌ ప్రకటించింది.
8 నుంచి రష్యా గగనతలం మూసివేత
న్యూయార్క్‌, మార్చి 5: రష్యా తన గగనతలాన్ని మూసివేయాలని నిర్ణయించింది. ఈ నెల 8 నుంచి అన్ని అంతర్జాతీయ విమానాల రాకపోకలను నిలిపివేయనున్నట్లు రష్యన్‌ ఎయిర్‌లైన్స్‌ ఏరోఫ్లోట్‌ ప్రకటించింది. రష్యా గగనతలాన్ని మూసేయడం వల్ల విమాన ప్రయాణికులకు తీవ్ర అసౌకర్యం కలగనుంది. విమాన చార్జీలు పెరగడంతో పాటు ప్రయాణ సమయం కూడా బాగా పెరిగిపోనుంది. కెనడా, అమెరికా నుంచి పనిచేసే యూరోపియన్‌ ఎయిర్‌లైన్స్‌, దూరప్రాంతాలకు వెళ్లే విమానాలకు ఇబ్బందిగా మారనుంది. ముఖ్యంగా అమెరికా నుంచి భారత్‌ వచ్చే విమానాల ప్రయాణ సమయం పెరగనుంది. అయితే ఎయిరిండియా విమానాలపై మాత్రం ఈ ప్రభావం ఉండదు. ఎందుకంటే ఎయిరిండియా విమానాలకు రష్యా గగనతలంలో అనుమతి ఉంది. మరోవైపు బెలారస్‌కు విమానాలు యథావిధిగా కొనసాగుతాయని రష్యా తెలిపింది.
Updated Date - 2022-03-06T13:37:01+05:30 IST