Indonesiaలో తెరపైకి కొత్త Visa.. విదేశీయులు 5 ఏళ్ల పాటు పన్ను చెల్లించనక్కర్లేదు..
ABN, First Publish Date - 2022-06-24T03:39:37+05:30
పర్యాటకాన్ని ప్రోత్సహించేందుకు ఇండోనేషియా ఓ కొత్త వీసాను తెరపైకి తెచ్చింది. ఈ వీసాతో ఇండోనేషియాకు వచ్చే విదేశీయులు తమ ఆదాయంపై ఐదేళ్ల పాటు స్థానికంగా ఎటువంటి ఆదాయపు పన్ను చెల్లించనక్కర్లేదు.
ఎన్నారై డెస్క్: పర్యాటకాన్ని ప్రోత్సహించేందుకు ఇండోనేషియా ఓ కొత్త వీసాను తెరపైకి తెచ్చింది. ఈ వీసాతో ఇండోనేషియాకు వచ్చే విదేశీయులు తమ ఆదాయంపై ఐదేళ్ల పాటు స్థానికంగా ఎటువంటి ఆదాయపు పన్ను చెల్లించనక్కర్లేదు. అయితే.. వీదేశాల నుంచి ఆదాయం పొందేవారికి మాత్రమే ఇది వర్తిస్తుంది. డిజిటిల్ నోమాడ్ వీసా(Digital Nomad visa) పేరిట ఈ కొత్త విధానాన్ని ఇండోనేషియా టూరిజం మంత్రి ఇటీవలే ప్రకటించారు. త్వరలో ఈ కొత్త వీసాల జారీ ప్రారంభిస్తామన్నారు. పొరుగు దేశాల్లో ఉంటూ పనిచేసే రిమోట్ వర్కర్లను(Remote workers) దృష్టిలో పెట్టుకుని ఈ కొత్త విధానానికి రూపకల్పన చేశామని మంత్రి తెలిపారు. విదేశాలకు వెళదామనుకుంటున్న 95 శాతం మంది రిమోట్ వర్కర్ల చూపు ఇండోనేషియాపై ఉన్నట్టు తమ అధ్యయనంలో తేలిందన్నారు. ఇటువంటి వారికి ఉపయోగకరంగా ఉండేందుకే ఈ వీసా తెచ్చామన్నారు.
Updated Date - 2022-06-24T03:39:37+05:30 IST