యూఏఈలో ఇకపై ఆ పని చేస్తే.. 3నెలల జైలు.. రూ.1లక్ష జరిమానా!
ABN, First Publish Date - 2022-02-13T15:40:16+05:30
దేశంలో భిక్షాటన చేసేవారిపై యూఏఈ కఠిన చర్యలకు ఉపక్రమించింది.
అబుదాబి: దేశంలో భిక్షాటన చేసేవారిపై యూఏఈ కఠిన చర్యలకు ఉపక్రమించింది. ఇకపై ఎవరైనా భిక్షాటన చేస్తూ కనిపిస్తే మూడు నెలల జైలుతో పాటు 5వేల దిర్హమ్స్(రూ.1లక్ష) జరిమానా ఉంటుందని యూఏఈ పబ్లిక్ ప్రాసిక్యూషన్ హెచ్చరించింది. ఈ మేరకు అధికారిక సోషల్ మీడియా ఛానెల్స్ ద్వారా కీలక ప్రకటన చేసింది. భిక్షాటనకు జరిమానాపై అవగాహన కల్పించడం కోసం ఫెడరల్ డిక్రీ-లా నం. 31 ఆఫ్ 2021లోని ఆర్టికల్ 475లో నేరాలు, జరిమానాల చట్టానికి సంబంధించి పబ్లిక్ ప్రాసిక్యూషన్ ఫిబ్రవరి 11న తన అధికారిక సోషల్ మీడియా ఛానెల్‌లలో వివరాలను పోస్ట్ చేసింది. “ఏదైనా రూపంలో లేదా పద్ధతిలో భౌతిక లేదా సాధకమైన ప్రయోజనాన్ని పొందేందుకు యాచిస్తూ పట్టుబడితే మూడు నెలల వరకు జైలు శిక్ష విధించబడుతుంది. 5,000 దిర్హమ్స్‌కు తక్కువ కాకుండా జరిమానా విధించబడుతుంది.” అని పబ్లిక్ ప్రాసిక్యూషన్ తన పోస్టులో పేర్కొంది.
అలాగే డబ్బు అడగడానికి వ్యక్తి ఏదైనా మోసానికి పాల్పడుతున్నట్లు కనుగొనబడినట్లయితే అది తీవ్రమైన పరిస్థితిగా పరిగణించబడుతుంది. అంతేగాక క్రింది సంఘటనలలో యాచించడం ఒక తీవ్రమైన నేరంగా పరిగణించబడుతుంది.
1. బిచ్చగాడు ఆరోగ్యంగా ఉండి, జీవించడానికి స్పష్టమైన మూలాన్ని కలిగి ఉంటే.
2. బిచ్చగాడు గాయపడినట్లు లేదా శాశ్వత అంగవైకల్యం ఉన్నట్లు నటించడం. ఇతరులకు సేవ చేస్తున్నట్లు నటిస్తే లేదా ఇతరులను ప్రభావితం చేయడానికి, వారి ప్రేమను పొందడానికి ఏదైనా మోసపూరిత మార్గాలను ఉపయోగించడం. ఈ రెండు సందర్భాల్లో భిక్షాటన చేసే వ్యక్తులకు మూడు నెలల జైలుతో పాటు 5వేల దిర్హమ్స్(రూ.1లక్ష) జరిమానా ఉంటుందని యూఏఈ పబ్లిక్ ప్రాసిక్యూషన్ హెచ్చరించింది.
Updated Date - 2022-02-13T15:40:16+05:30 IST