అమెరికాలో కలకలం.. విషయవాయువు పీల్చిన ఏడుగురి పరిస్థితి విషమం
ABN, First Publish Date - 2022-01-31T03:03:45+05:30
అమెరికాలోని ఒహాయో రాష్ట్రంలో తాజాగా కలకలం రేగింది. అకస్మాత్తుగా వెలువడ్డ కార్బన్ మోనాక్సైడ్ వాయువును పీల్చి ఏడుగురి పరిస్థితి విషమంగా మారింది.
ఇంటర్నెట్ డెస్క్: అమెరికాలోని ఒహాయో రాష్ట్రంలో తాజాగా కలకలం రేగింది. అకస్మాత్తుగా వెలువడ్డ కార్బన్ మోనాక్సైడ్ వాయువును పీల్చి ఏడుగురి పరిస్థితి విషమంగా మారింది. మేరిస్‌విల్ ప్రాంతంలోని హాంప్టన్ ఇన్‌ హోటల్‌లో శనివారం ఈ ఘటన జరిగింది. హోటల్‌లోని పూల్ ఏరియాలో కూర్చున్న తొమ్మిది మంది.. ఊపిరి తీసుకోలేక ఇబ్బంది పడుతున్నారన్న సమాచారంఎమర్జెన్సీ సిబ్బందికి అందింది. దీంతో వారు వెంటనే ఘటనా స్థలానికి చేరుకుని బాధితులను స్థానిక ఆస్పత్రికి తరలించారు. బాధితుల్లో ఏడుగురి పరిస్థితి విషమంగా ఉన్నట్టు తెలుస్తోంది. అయితే.. కార్బన్ మోనాక్సైడ్ వాయువు వెలువడటానికి కారణమేంటనేది ఇంకా తెలియరాలేదు. బాధితుల్లో చిన్నారులు కూడా ఉన్నారని సమాచారం.
Updated Date - 2022-01-31T03:03:45+05:30 IST