అమెరికాలోని కరోనా వైరస్‌లలో ఆ వేరియంట్ వాటానే అత్యధికం...
ABN, First Publish Date - 2022-07-27T05:02:55+05:30
అమెరికాలో గతవారం వ్యాప్తిలో ఉన్న కరోనా వైరస్‌లలో ఒమైక్రాన్ ఉపవేరియంట్ బీఏ.5 వాటా 81.9 శాతం ఉందని అంటువ్యాధుల నియంత్రణ సంస్థ మంగళవారం నాడు ప్రకటించింది.
వాషింగ్టన్: అమెరికాలో గతవారం వ్యాప్తిలో ఉన్న కరోనా(Corona) వైరస్‌లలో ఒమైక్రాన్(Omicron) ఉపవేరియంట్ బీఏ.5 వాటా 81.9 శాతం ఉందని అంటువ్యాధుల నియంత్రణ సంస్థ(USCDC) మంగళవారం నాడు ప్రకటించింది. బీఏ.5 వేరియంట్ వ్యాప్తి 75.9 శాతం ఉండొచ్చన్న మునుపటి అంచనాకంటే ఇది ఎక్కువని తెలిపింది. ప్రపంచవ్యాప్తంగా పెరుగుతున్న కరోనా కేసుల వెనుక ఒమైక్రాన్ బీఏ.5 వేరియంట్ కారణమని ఇటీవలే తేలింది. అంతేకాకుండా.. కరోనా బారినపడి కోలుకోవడం లేదా టీకా తీసుకోవడం ద్వారా వృద్ధి చెందిన రోగనిరోధక శక్తి నుంచి కూడా తప్పించుకోగల సామర్థ్యం ఈ ఉపవేరియంట్‌కు ఉన్నట్టు బయటపడింది. మరోవైపు.. ఒమైక్రాన్ బీఏ.4 ఉపవేరియంట్ వ్యాప్తి స్థాయి 12.9 శాతంగా ఉంది. ఇదిలా ఉంటే.. 50 ఏళ్లు పైబడిన వారందరూ కరోనా టీకా బూస్టర్ డోసు వేయించుకోవాలని సూచించారు. అంతేకాకుండా.. త్వరలో ఒమైక్రాన్ కట్టడి కోసం అందుబాటులోకి వచ్చే టీకాకు కూడా బూస్టర్‌డోసు తీసుకున్న వారు అర్హులేనని చెప్పారు. ఈ విషయంలో ఎటువంటి అనవసర సందేహాలు వద్దని భరోసా ఇచ్చారు.
Updated Date - 2022-07-27T05:02:55+05:30 IST