H-1B Visa: స్టార్ట్‌పలకు గుడ్‌న్యూస్.. ఇక Green Card జారీ మరింత వేగవంతం
ABN, First Publish Date - 2022-06-25T13:46:46+05:30
స్టార్ట్‌పలకు హెచ్‌-1బీ వీసా (H-1B Visa) జారీ ప్రక్రియ మరిత సులభతరం చేసేందుకు అమెరికా డిపార్ట్‌మెంట్‌ ఆఫ్‌ హోమ్‌ల్యాండ్‌ సెక్యూరిటీ సర్వీస్‌ (డీహెచ్‌ఎస్) ప్రతిపాదనలు రూపొందిస్తోంది.
స్టార్ట్‌పలకు హెచ్‌-1బీ మరింత సరళీకృతం
గ్రీన్‌కార్డు జారీ ఇక వేగిరం.. అమెరికా డీహెచ్‌ఎస్ ప్రతిపాదన
వాషింగ్టన్‌, జూన్‌ 24: స్టార్ట్‌పలకు హెచ్‌-1బీ వీసా (H-1B Visa) జారీ ప్రక్రియ మరిత సులభతరం చేసేందుకు అమెరికా డిపార్ట్‌మెంట్‌ ఆఫ్‌ హోమ్‌ల్యాండ్‌ సెక్యూరిటీ సర్వీస్‌ (డీహెచ్‌ఎస్) ప్రతిపాదనలు రూపొందిస్తోంది. ఇందులో భాగంగా మార్గదర్శక ఎజెండాకు అదనంగా.. ఫామ్‌ ఐ-485 ప్రాసెసింగ్‌ను మెరుగుపరిచేందుకు నియమాలను జారీ చేయాలని చూస్తోంది. దీంతో హెచ్‌-1బీ (H-1B Visa) మీద అమెరికాలో ఉంటూ గ్రీన్‌ కార్డు (Green Card) పొందేందుకు దశాబ్దాల పాటు వేచి చూసే పరిస్థితి మారనుంది. ఫామ్‌ ఐ-485.. అమెరికాలో ఒక వ్యక్తి చట్టబద్ధ శాశ్వత నివాస స్థితికి చేసే దరఖాస్తు. ఇకపై ఈ దరఖాస్తులను వేగంగా పరిశీలించనున్నారు. 2023కు సంబంధించి క్రమబద్ధీకరణ ఎజెండాలో భాగంగా హెచ్‌-1బీ వీసా ప్రోగ్రామ్‌ను ఆధునికీకరించాలని అమెరికా భావిస్తోంది. స్టార్ట్‌పలు.. హెచ్‌-1బీ నాన్‌ ఇమ్మిగ్రెంట్‌ వీసాపై విదేశీ ఉద్యోగులను నియమించుకోవడాన్ని ఇది సులభతరం చేయనుంది. హెచ్‌-1బీ రిజిస్ట్రేషన్ విధానంలో మోసాలు, దుర్వినియోగాన్ని తగ్గించేందుకు పలు నిబంధనలను సవరించనుంది. దీంతో ప్రవాస భారతీయులకు గొప్ప మేలు చేకూరుతుంది.
Updated Date - 2022-06-25T13:46:46+05:30 IST