దటీజ్‌ రాములమ్మ!
ABN, First Publish Date - 2022-03-20T05:30:00+05:30
సాధారణంగా క్లాస్‌ చిత్రం అనీ, మాస్‌ సినిమా అనీ, యూత్‌ ఫిల్మ్‌ అనీ , లేడీస్‌ ఫిల్మ్‌ అనీ ఒక్కో సినిమాకు ఒక్కో బ్రాండ్‌ పడుతుంది. ఈ వర్గీకరణ ఆధారంగానే ఆయా...
సాధారణంగా క్లాస్‌ చిత్రం అనీ, మాస్‌ సినిమా అనీ, యూత్‌ ఫిల్మ్‌ అనీ , లేడీస్‌ ఫిల్మ్‌ అనీ ఒక్కో సినిమాకు ఒక్కో బ్రాండ్‌ పడుతుంది. ఈ వర్గీకరణ ఆధారంగానే ఆయా చిత్రాలకు ఆయా వర్గాల ప్రేక్షకుల నుంచి ఆదరణ లభిస్తుంది. కానీ దర్శకరత్న దాసరి నారాయణరావు తీసిన ఓసేయ్‌ రాములమ్మ చిత్రం అన్ని వర్గాల ఆదరణ పొంది అఖండ విజయం సాధించింది. విజయశాంతి నటించిన ఈ చిత్ర విజయం ఆ రోజుల్లో చర్చనీయాంశం అయింది.
ఉత్తరప్రదేశ్‌లో జరిగిన ఓ వాస్తవ సంఘటన ఆధారంగా ఈ చిత్రం రూపుదిద్దుకుంది. ఒక బడుగు వర్గ కుటుంబంలోని యువతిపై జరిగిన అత్యాచారమే ఈ చిత్ర కథకు మూలం. అది విని చలించిపోయిన దాసరి ‘ఓసేయ్‌ రాములమ్మ’ చిత్రనిర్మాణానికి పూనుకున్నారు. ‘ఒరేయ్‌ రిక్షా’ చిత్రంతో నక్సలైట్‌ బాక్సాఫీసు దారి పట్టిన దాసరి ‘ఓసేయ్‌ రాములమ్మ’ చిత్రంతో ఆ మార్గం పట్టిష్టం చేసుకున్నారు. అమాయక రాములమ్మగా, అపర కాళి రాములక్కగా విజయశాంతి నటన సూపర్‌. ఈ చిత్ర విజయంతో అందరూ ఆమెను రాములమ్మ అని పిలవడం ప్రారంభించారు.
Updated Date - 2022-03-20T05:30:00+05:30 IST