Udayanidhi గెలుపు చెల్లదంటూ దాఖలైన పిటిషన్ కొట్టివేత
ABN, First Publish Date - 2022-04-29T15:24:10+05:30
చేపాక్ - ట్రిప్లికేన్ నియోజకవర్గ ఎమ్మెల్యే ఉదయనిధి విజయం చెల్లదని ప్రకటించాలని కోరుతూ దాఖలైన పిటిషన్ను మద్రాస్ హైకోర్టు కొట్టివేసింది. ఈ నియోజకవర్గానికి
అడయార్(చెన్నై): చేపాక్ - ట్రిప్లికేన్ నియోజకవర్గ ఎమ్మెల్యే ఉదయనిధి విజయం చెల్లదని ప్రకటించాలని కోరుతూ దాఖలైన పిటిషన్ను మద్రాస్ హైకోర్టు కొట్టివేసింది. ఈ నియోజకవర్గానికి చెందిన ప్రేమలత అనే ఓటరు ఈ పిటిషన్ దాఖలు చేశారు. ఉదయనిధి తనపై ఉన్న కేసులు దాచి నామినేషన్ దాఖలు చేశారని, అందువల్ల ఆయన గెలుపు చెల్లదని ఆదేశించాలని ఆమె తన పిటిషన్లో పేర్కొన్నారు. దీనిని విచారణకు స్వీకరించిన హైకోర్టు న్యాయమూర్తి భారతీదాసన్ ఈ కేసులో పిటిషనర్ పేర్కొన్న అభియోగాలకు సరైన ఆధారాలను సమర్పించలేదంటూ పిటిషన్ను కొట్టివేశారు. కాగా, గతంలో ఇదే తరహా పిటిషన్ను దేశీయ మక్కల్ కట్చి అభ్యర్థి ఎంఎల్.రవి దాఖలు చేయగా ఇదే న్యాయమూర్తి ఆ పిటిషన్ను తోసిపుచ్చారు.
Updated Date - 2022-04-29T15:24:10+05:30 IST