ఐరాస ద్వారా కొవ్యాక్సిన్‌ సరఫరా నిలిపివేత
ABN, First Publish Date - 2022-04-04T09:36:34+05:30
పేద దేశాలకు కొవిడ్‌ టీకాలను అందించేందుకు ఉద్దేశించిన ఐక్యరాజ్యసమితి ప్రతిష్ఠాత్మక కార్యక్రమం ‘కొవ్యాక్స్‌’కు భారత్‌ బయోటెక్‌ ‘కొవ్యాక్సిన్‌’ సరఫరాను ప్రపంచ ఆరోగ్య సంస్థ (డబ్ల్యూహెచ్‌వో) నిలిపివేసింది.
హైదరాబాద్‌, ఏప్రిల్‌ 3: పేద దేశాలకు కొవిడ్‌ టీకాలను అందించేందుకు ఉద్దేశించిన ఐక్యరాజ్యసమితి ప్రతిష్ఠాత్మక కార్యక్రమం ‘కొవ్యాక్స్‌’కు భారత్‌ బయోటెక్‌ ‘కొవ్యాక్సిన్‌’ సరఫరాను ప్రపంచ ఆరోగ్య సంస్థ (డబ్ల్యూహెచ్‌వో) నిలిపివేసింది. మార్చి 14-22 తేదీల మధ్య భారత్‌ బయోటెక్‌ ప్లాంట్లలో నిర్వహించిన తనిఖీల్లో నాణ్యమైన తయారీ పద్ధతుల (జీఎంపీ)కు సంబంధించిన లోపాలను గుర్తించిన నేపథ్యంలో ఈ నిర్ణయాన్ని తీసుకున్నట్లు స్పష్టంచేసింది. జీఎంపీ ప్రమాణాలకు అనుగుణంగా సౌకర్యాలను అప్‌గ్రేడ్‌ చేసుకోవాలని ఆ కంపెనీని నిర్దేశించినట్లు తెలిపింది. మొత్తం మీద కొవ్యాక్సిన్‌ ప్రభావశీలమైందని, భద్రతాపరమైన సమస్యలేవీ లేవని తేల్చి చెప్పింది.
Updated Date - 2022-04-04T09:36:34+05:30 IST