China క్యాంటీన్‌లో పేలుడు 16 మంది దుర్మరణం
ABN, First Publish Date - 2022-01-08T17:07:52+05:30
దక్షిణ చైనాలోని చాంగ్ కింగ్ మున్సిపాలిటీలో భారీ పేలుడు సంభవించింది....
బీజింగ్ (చైనా): దక్షిణ చైనాలోని చాంగ్ కింగ్ మున్సిపాలిటీలో భారీ పేలుడు సంభవించింది. ఈ పేలుడు ఘటనలో 16 మంది దుర్మరణం చెందగా, మరో 10 మంది తీవ్రంగా గాయపడ్డారు. చాంగ్ కింగ్ నగరంలోని క్యాంటీన్‌లో గ్యాస్ లీక్ కారణంగా పేలుడు సంభవించిందని చైనా ప్రభుత్వ అధికారులు చెప్పారు. ఈ పేలుడు ధాటికి క్యాంటీన్ కుప్పకూలిపోయింది. మృతదేహాలను శిథిలాల నుంచి వెలికి తీశారు. శిథిలాల్లో కూరుకుపోయిన వారిలో ఒకరు తీవ్ర గాయాలతో బయటపడటంతో అతన్ని ఆసుపత్రికి తరలించారు.ఉలాంగ్ జిల్లా చాంగ్ కింగ్ నగరానికి 75 కిలోమీటర్ల దూరంలో ఉన్న క్యాంటీన్ లో ఈ పేలుడు జరిగింది.
Updated Date - 2022-01-08T17:07:52+05:30 IST