దూసుకొస్తున్న అసానీ తుఫాన్
ABN, First Publish Date - 2022-03-20T00:30:20+05:30
మరో రెండు రోజుల్లో తుఫాన్ ముప్పు పొంచి ఉండటంతో, దీన్ని ఎదుర్కొనేందుకు సిద్ధమైంది అండమాన్-నికోబార్ అధికార యంత్రాంగం. ఆగ్నేయ బంగాళాఖాతంలో ఏర్పడిన వాయుగుండం ఈనెల 21 నాటికి తుఫాన్‌గా మారుతుందని ఇప్పటికే ఇండియన్ మెటియోరోలాజికల్ డిపార్ట్‌మెంట్ (ఐఎమ్‌డీ) హెచ్చరించింది.
మరో రెండు రోజుల్లో తుఫాన్ ముప్పు పొంచి ఉండటంతో, దీన్ని ఎదుర్కొనేందుకు సిద్ధమైంది అండమాన్-నికోబార్ అధికార యంత్రాంగం. ఆగ్నేయ బంగాళాఖాతంలో ఏర్పడిన వాయుగుండం ఈనెల 21 నాటికి తుఫాన్‌గా మారుతుందని ఇప్పటికే ఇండియన్ మెటియోరోలాజికల్ డిపార్ట్‌మెంట్ (ఐఎమ్‌డీ) హెచ్చరించింది. ఈ తుఫాన్‌కు అసానీ అని నామకరణం చేశారు. ఈ తుఫాన్ ప్రభావం అండమాన్-నికోబార్ దీవులపైనే ఎక్కువగా పడనుంది. అయితే, అసానీని ఎదుర్కొనేందుకు సర్వం సిద్ధం చేస్తోంది అక్కడి అధికార యంత్రాంగం.
అండమాన్ నికోబార్ చీఫ్ సెక్రటరీ జితేంద్ర నారాయణ్ స్థానిక అధికారులతో ఈ అంశంపై ఇప్పటికే చర్చించారు. లోతట్టు ప్రాంతాల ప్రజల్ని సురక్షిత ప్రాంతాలకు తరలించడం, తాత్కాలిక షెల్టర్లు ఏర్పాటు చేయడం, ఆహారం, నీరు వంటివి అందుబాటులో ఉంచడం వంటి ఏర్పాట్లు చేస్తున్నారు. ఈ పరిస్థితిపై ప్రజలకు పూర్తి అవగాహన కల్పించాలని నారాయణ్ డిజాస్టర్ మేనేజ్‌మెంట్ అధికారుల్ని ఆదేశించారు. మరోవైపు షిప్పింగ్ సర్వీసుల్ని, చేపల వేటను రద్దు చేశారు. తుఫాన్ ప్రభావిత దీవుల్లో ఉరుములు, మెరుపులతో కూడిన భారీ వర్షాలు కురిసే అవకాశాలున్నాయి.
Updated Date - 2022-03-20T00:30:20+05:30 IST