Miyan ka Bada రైల్వేస్టేషన్ పేరు మార్పు
ABN, First Publish Date - 2022-05-02T15:46:01+05:30
కేంద్రంలో ఏర్పడిన బీజేపీ పాలనలో పలు రైల్వేస్టేషన్ల పేర్లను మార్చారు...
మహేష్ నగర్ హాల్టుగా ప్రకటన
బార్మర్ (రాజస్థాన్): కేంద్రంలో ఏర్పడిన బీజేపీ పాలనలో పలు రైల్వేస్టేషన్ల పేర్లను మార్చారు. రాజస్థాన్‌లోని బార్మర్ జిల్లాలోని బలోత్రా ప్రాంతంలో ‘మియాన్ కా బడా’ రైల్వే స్టేషన్‌ను మహేష్ నగర్ హాల్టుగా మార్చే అధికారిక కార్యక్రమం జరిగింది.ఈ కార్యక్రమంలో కేంద్ర జలశక్తి మంత్రి గజేంద్ర సింగ్ షెకావత్, కేంద్ర వ్యవసాయ శాఖ సహాయ మంత్రి కైలాష్ చౌదరి తదితరులు పాల్గొన్నారు.2018 వ సంవత్సరంలో గ్రామం పేరు మియాన్ కా బడా నుంచి మహేష్ నగర్‌గా మార్చారు, కానీ రైల్వే స్టేషన్ పేరు మార్చలేదు. కేంద్ర ప్రభుత్వం, రాష్ట్ర ప్రభుత్వం రెండూ రైల్వేస్టేషన్ పేరు మార్చేందుకు తాజాగా ఆమోదం తెలిపాయని షెకావత్ అన్నారు.బీహార్ రైల్వే స్టేషన్ పేరును నలంద లేదా రాజ్‌గిర్‌గా మార్చాలని బీజేపీ గత కొంతకాలంగా డిమాండ్ చేసింది.మొత్తం మీద బీజేపీ పలు నగరాలతోపాటు రైల్వేస్టేషన్ల పేర్లను మార్చింది.
Updated Date - 2022-05-02T15:46:01+05:30 IST