శ్రీలంక అధ్యక్ష భవనంలో భారీ నిధులు... భద్రతా సిబ్బందికి అప్పగించిన నిరసనకారులు...
ABN, First Publish Date - 2022-07-10T20:21:48+05:30
శ్రీలంక అధ్యక్షుడు గొటబయ రాజపక్స (Gotabaya Rajapaksa) అధికారిక
కొలంబో : శ్రీలంక అధ్యక్షుడు గొటబయ రాజపక్స (Gotabaya Rajapaksa) అధికారిక నివాసంలోకి దూసుకెళ్లిన నిరసనకారులకు పెద్ద ఎత్తున నిధులు కనిపించినట్లు తెలుస్తోంది. గుట్టలుగా ఉన్న కరెన్సీ నోట్లను నిరసనకారులు గుర్తించి, వాటిని భద్రతాధికారులకు అప్పగించినట్లు ఆ దేశ మీడియా కథనాలనుబట్టి తెలుస్తోంది.
దేశాధ్యక్షుని అధికారిక నివాసంలో దొరికిన కరెన్సీ నోట్లను నిరసనకారులు లెక్కబెడుతున్నట్లు కనిపిస్తున్న వీడియో సామాజిక మాధ్యమాల్లో వైరల్ అవుతోంది. ఈ సొమ్మును వారు భద్రతాధికారులకు అప్పగించారని తెలుస్తోంది. దీనిపై విచారణ జరిపి, తగిన చర్యలను ప్రకటిస్తామని అధికారులు చెప్పారు.
గొటబయ రాజపక్స అధికారిక నివాసంలోకి శనివారం వేలాది మంది నిరసనకారులు చొరబడిన సంగతి తెలిసిందే. సెంట్రల్ కొలంబోలో అత్యధిక భద్రతగల ప్రాంతంలో ఈ భవనం ఉంది. దేశం మునుపెన్నడూ లేనంత ఆర్థిక సంక్షోభంలో చిక్కుకున్నందుకు బాధ్యత వహిస్తూ గొటబయ దేశాధ్యక్ష పదవికి రాజీనామా చేయాలని నిరసనకారులు డిమాండ్ చేశారు.
Updated Date - 2022-07-10T20:21:48+05:30 IST