Jahangirpuri violence నిందితులపై కఠినచర్యలు...ఢిల్లీ పోలీసులకు అమిత్ షా ఆదేశం
ABN, First Publish Date - 2022-04-19T14:00:06+05:30
జహంగీర్‌పురి హింసాత్మక ఘటనకు పాల్పడిన వారిపై కఠిన చర్యలు తీసుకోవాలని కేంద్ర హోంశాఖ మంత్రి అమిత్ షా ఢిల్లీ పోలీసులను ఆదేశించారు....
న్యూఢిల్లీ: జహంగీర్‌పురి హింసాత్మక ఘటనకు పాల్పడిన వారిపై కఠిన చర్యలు తీసుకోవాలని కేంద్ర హోంశాఖ మంత్రి అమిత్ షా ఢిల్లీ పోలీసులను ఆదేశించారు. దేశ రాజధానిలోని జహంగీర్‌పురి ప్రాంతంలో శనివారం జరిగిన హనుమాన్ జయంతి ఊరేగింపులో ఘర్షణలు చెలరేగడంతో 8 మంది పోలీసులు, ఒక పౌరుడు గాయపడిన ఘటన తర్వాత కేంద్ర హోం మంత్రిత్వ శాఖ నుంచి ఈ ఉత్తర్వు వచ్చింది.శనివారం జహంగీర్‌పురిలో మతపరమైన అల్లర్లను ప్రేరేపించిన హనుమాన్ జయంతి ఊరేగింపు నిర్వాహకులపై ఢిల్లీ పోలీసులు సోమవారం కేసు నమోదు చేశారు. శాంతిభద్రతల పరిరక్షణకు డ్రోన్‌లు రాజధాని సమస్యాత్మక వాయువ్య ప్రాంతంలోని వీధుల్లో గస్తీ తిరుగుతున్నాయి.ఎవరూ అల్లర్లకు పాల్పడవద్దని ఢిల్లీ పోలీసు చీఫ్ రాకేష్ అస్థానా కోరారు.
ఘర్షణలు జరిగిన రెండు రోజుల తర్వాత హిందూ భాగస్వామ్య సంస్థలచే నిర్వహించిన మూడవ హనుమాన్ జయంతి ఊరేగింపునకు పరిపాలనా అనుమతి లభించలేదని ఢిల్లీ పోలీసులు అంగీకరించారు.8 మంది పోలీసులు, ఒక పౌరుడితో సహా తొమ్మిది మంది గాయపడ్డారు. అల్లకల్లోల సమయంలో పోలీసులపై కాల్పులు జరిపిన సోను చిక్నా అనే ముస్లిం వ్యక్తిని కూడా అరెస్టు చేశారు.ఈ ఘర్షణలకు సంబంధించి ఇప్పటి వరకు ఇద్దరు చిన్నారులు సహా మొత్తం 25 మందిని అదుపులోకి తీసుకున్నారు. ఈ కేసులో నిందితుడైన స్థానిక విశ్వహిందూ పరిషత్ (వీహెచ్‌పీ) నాయకుడు ప్రేమ్ శర్మను పోలీసులు విచారించినప్పటికీ, ఆయన్ను వదిలిపెట్టారు.
దేశ రాజధానిలో హింస వెనుక ఉన్నవారిని గుర్తించడానికి పోలీసులు 200 వీడియోలను స్కాన్ చేస్తున్నారు.ఏప్రిల్ 16న జరిగిన ఘర్షణలపై దర్యాప్తు చేసేందుకు 14 బృందాలను ఏర్పాటు చేసినట్లు అస్థానా తెలిపారు.ఘర్షణలపై దర్యాప్తు బాధ్యతను క్రైమ్ బ్రాంచ్‌కు అప్పగించారు. నాలుగు ఫోరెన్సిక్ బృందాలు కూడా సంఘటనా స్థలాన్ని సందర్శించి ఆధారాలు సేకరించాయి.
Updated Date - 2022-04-19T14:00:06+05:30 IST