Good News : ఇక వాట్సాప్‌లో డిజీలాకర్‌..
ABN, First Publish Date - 2022-05-24T08:56:37+05:30
డిజీలాకర్‌ వినియోగదారులకు శుభవార్త..! పాన్‌కార్డు, డ్రైవింగ్‌ లైసెన్స్‌, వాహన రిజిస్ట్రేషన్ పత్రాలు, సీబీఎ్‌సఈ 10, 12 తరగతుల సర్టిఫికెట్లు తదితర డాక్యుమెంట్లను కేంద్రం అందిస్తున్న క్లౌడ్‌ స్టోరేజీలో భద్రపరుచుకునే వెసులుబాటు కల్పించే డిజీలాకర్‌ యాప్‌ ఇకపై వాట్సాప్‌ తో అనుసంధానం కానుంది.
- 9013151515 వాట్సాప్‌
- డాక్యుమెంట్ల డౌన్‌లోడ్‌ సౌకర్యం
- కొత్త ఖాతాను ప్రారంభించవచ్చు
- వెల్లడించిన మైగోవ్‌ సీఈవో
న్యూఢిల్లీ, మే 23: డిజీలాకర్‌ వినియోగదారులకు శుభవార్త..! పాన్‌కార్డు, డ్రైవింగ్‌ లైసెన్స్‌, వాహన రిజిస్ట్రేషన్ పత్రాలు, సీబీఎస్‌ఈ 10, 12 తరగతుల సర్టిఫికెట్లు తదితర డాక్యుమెంట్లను కేంద్రం అందిస్తున్న క్లౌడ్‌ స్టోరేజీలో భద్రపరుచుకునే వెసులుబాటు కల్పించే డిజీలాకర్‌ యాప్‌ ఇకపై వాట్సాప్‌ తో అనుసంధానం కానుంది. ఈ విషయాన్ని కేంద్ర ప్రభుత్వ డిజిటల్‌ ఇండియా ప్రాజెక్టులో భాగమైన ‘మైగోవ్‌’ సంస్థ సీఈవో అభిషేక్‌ సింగ్‌ సోమవారం వెల్లడించారు. ఇందుకోసం 9013151515 వాట్సాప్‌ నంబర్‌ కేటాయించారు. ఆ నంబర్‌కు ‘నమస్తే’ లేదా ‘హై’ లేదా ‘డిజీలాకర్‌’ అని ఆంగ్లంలో సందేశం పంపితే.. చాట్‌బోట్‌ ప్రతిస్పందిస్తూ.. మెనూ జాబితాను రిప్లైగా ఇ స్తుంది. అందులోంచి డిజీలాకర్‌ అథెంటికేషన్‌ను ఎంచుకుంటే.. అప్పటికే భ ద్రపరిచిన డాక్యుమెంట్లను డౌన్‌లోడ్‌ చేసుకోవచ్చు. అంతేకాదు.. ఈ నంబర్‌ కు వాట్సాప్‌ చేయడం ద్వారా కొత్తగా డిజీలాకర్‌ ఖాతాను ప్రారంభించవచ్చు. కొత్త డాక్యుమెంట్లను అప్‌లోడ్‌ చేయవచ్చు.
Updated Date - 2022-05-24T08:56:37+05:30 IST