ఏప్రిల్-జూన్‌లో 2 లక్షల ఉద్యోగాలు ఇచ్చాం: ప్రభుత్వం
ABN, First Publish Date - 2022-01-10T18:45:57+05:30
నిర్మాణం, తయారీ, ట్రేడ్, రవాణా, విద్య, ఆరోగ్యం, రెస్టారెంట్, ఐటీ/బీపీఓ, ఆర్థిక కార్యకలాపాలు ఈ తొమ్మిది రంగాలను ప్రధానంగా తీసుకుని సర్వే చేసినట్లు కార్మిక శాఖ పేర్కొంది. అయితే కేంద్రం విడుదల చేసిన..
న్యూఢిల్లీ: పోయిన ఏడాది రెండో త్రైమాసికంలో (ఏప్రిల్-జూన్) రెండు లక్షల మందికి ఉద్యోగాలు ఇచ్చినట్లు కేంద్ర కార్మిక శాఖ విడుదల చేసిన త్రైమాసిక సర్వేలో వెల్లడైంది. దీంతో 2021-2022 ఆర్థిక సంవత్సరంలో ఎంపిక చేయబడ్డ తొమ్మది రంగాల్లో ఉపాధి కల్పన 3.10 కోట్లకు చేరినట్లు పేర్కొన్నారు. ఈ సర్వే వివరాలను కేంద్ర కార్మిక శాఖ మంత్రి భూపేందర్ యాదవ్ సోమవారం విడుదల చేశారు. కొవిడ్ కారణంగా ఉద్యోగ కల్పనపై తీవ్ర ప్రభావం పడిందని, దానిని తట్టుకుని నిలబడి ఉద్యోగ కల్పన కోసం ప్రభుత్వం ప్రణాళికలు రూపొందిస్తోందని ఈ సందర్భంగా భూపేంద్ర యాదవ్ అన్నారు.
నిర్మాణం, తయారీ, ట్రేడ్, రవాణా, విద్య, ఆరోగ్యం, రెస్టారెంట్, ఐటీ/బీపీఓ, ఆర్థిక కార్యకలాపాలు ఈ తొమ్మిది రంగాలను ప్రధానంగా తీసుకుని సర్వే చేసినట్లు కార్మిక శాఖ పేర్కొంది. అయితే కేంద్రం విడుదల చేసిన ఈ సర్వేపై నిరుద్యోగులు అసంతృప్తి వ్యక్తం చేస్తున్నారు. దేశంలో కోట్ల మంది రేషన్ తీసుకునే అర్హులు ఉంటే ప్రభుత్వం కేవలం 2 లక్షల ఉద్యోగాలు మాత్రమే కల్పించిందని పెదవి విరుస్తున్నారు. కొందరు అయితే 2014 లోక్‌సభ ఎన్నికలకు ముందు ఏడాదికి రెండు కోట్ల ఉద్యోగాలు ఇస్తామని ప్రధానమంత్రి నరేంద్రమోదీ ఇచ్చిన హామీని గుర్తు చేస్తున్నారు.
Updated Date - 2022-01-10T18:45:57+05:30 IST