బితిలాసనంతో బోలెడు ప్రయోజనాలు
ABN, First Publish Date - 2022-08-23T18:07:15+05:30
క్యాట్‌/కౌ పోజ్‌గా పేర్కొనే బితిలాసనంతో ఆహార, జీర్ణ నాళాలు, పునరుత్పత్తి వ్యవస్థలు బలపడతాయి
క్యాట్‌/కౌ పోజ్‌గా పేర్కొనే బితిలాసనంతో ఆహార, జీర్ణ నాళాలు, పునరుత్పత్తి వ్యవస్థలు బలపడతాయి. నెలసరి నొప్పుల నుంచి ఉపశమనం దక్కుతుంది. వెన్ను నొప్పి, సయాటికాల ఇబ్బందులు తొలగుతాయి. అలాగే ఈ ఆసనంతో మెడ, భుజాలు, వెన్ను సాగి, ఫ్లెక్సిబిలిటీ సమకూరుతుంది. అలాగే పిరుదులు, వెన్ను, పొత్తికడుపు, ఛాతీ, ఊపిరితిత్తుల కండరాలు విప్పారి, ఆయా ప్రదేశాల్లోని అసౌకర్యాలు తగ్గుతాయి. ఈ ఆసనం ఎలా వేయాలంటే....
- చేతులను నేల మీద ఆనించి, మోకాళ్ల మీద కూర్చోవాలి.
- తలను పైకి లేపి, వెన్నును కిందకు వంచాలి.
- తర్వాత తలను కిందకు దించి, ఛాతీని చూస్తూ, వెన్నును పైకి లేపాలి.
- తలను పైకి లేపేటప్పుడు శ్వాస తీసుకుని, కిందకు దింపేటప్పుడు శ్వాస వదలాలి.
- ఇలా ఐదు నుంచి పది సార్లు చేయాలి.
Updated Date - 2022-08-23T18:07:15+05:30 IST