నడుము నొప్పితో బాధపడే మహిళలు ఇలా చేస్తే..
ABN, First Publish Date - 2022-04-19T19:19:24+05:30
నడుము నొప్పితో బాధపడని మహిళలుండరు. ఎక్కువ సేపు నిలబడి, లేదా కూర్చుని పనులు చేయడం, స్థూలకాయం... ఇలా నడుము నొప్పికి కారణాలు ఎన్నో ఉంటాయి. అయితే ఉష్ర్టాసనంతో ఈ నొప్పిని అదుపులోకి తీసుకురావచ్చు.
ఆంధ్రజ్యోతి(19-04-2022)
నడుము నొప్పితో బాధపడని మహిళలుండరు. ఎక్కువ సేపు నిలబడి, లేదా కూర్చుని పనులు చేయడం, స్థూలకాయం... ఇలా నడుము నొప్పికి కారణాలు ఎన్నో ఉంటాయి. అయితే ఉష్ర్టాసనంతో ఈ నొప్పిని అదుపులోకి తీసుకురావచ్చు.
మోకాళ్లను మడిచి కూర్చోవాలి. తర్వాత ఎడమ చేతిని, తలను పైకెత్తాలి. తర్వాత నడుమును వెనక్కి వంచుతూ, కుడి చేత్తో కుడి పాదాన్ని పట్టుకోవాలి. ఈ భంగిమలో కొన్ని క్షణాలు ఉన్న తర్వాత పూర్వపు స్థితికి రావాలి. తర్వాత కుడి చేతిని, తలను పైకెత్తి, నడుమును వంచుతూ, ఎడమ చేత్తో ఎడమ పాదాన్ని పట్టుకోవాలి. ఈ భంగిమలో కొన్ని నిమిషాలు ఉన్న తర్వాత పూర్వ స్థితికి చేరుకోవాలి. తర్వాత అదే తరహాలో నడుమును వెనక్కి వంచి, రెండు చేతులతో రెండు పాదాలను పట్టుకుని కొన్ని క్షణాలు అదే భంగిమలో ఉండాలి.
లాభాలు: నడుము నొప్పి తగ్గడంతో పాటు, పొట్ట కండరాలు బలపడతాయి. ఆస్తమా, థైరాయిడ్‌ సమస్యలు అదుపులోకొస్తాయి.
వీళ్లు అప్రమత్తం: గుండెనొప్పి, తీవ్రమైన సయాటికా సమస్యలు, వెన్ను సమస్యలు ఉన్నవాళ్లు ఈ ఆసనం సాధన చేయకపోవడమే ఉత్తమం.
Updated Date - 2022-04-19T19:19:24+05:30 IST