మోడరన్ మోజులే..
ABN, First Publish Date - 2022-01-15T06:32:29+05:30
ఇప్పుడు సంక్రాంతి పండగంతా మోడరన్ రాజ్యమేలుతోంది ఆన్‌లైన్ గోగుపిడకలు....
ఇప్పుడు సంక్రాంతి పండగంతా
మోడరన్ రాజ్యమేలుతోంది
ఆన్‌లైన్ గోగుపిడకలు
ఇంటి ముంగిట రెడీమేడ్/ రంగవల్లులు
గుమ్మాలకు ప్లాస్టిక్ రంగురంగుల
మామిడి తోరణాలు
హైటెక్ హరిదాసులు/ మోటార్ సైకిలుపై రయ్ రయ్
మంటూ బ్యాటరీ స్పీకర్‌లో
హరినామ సంకీర్తనలు
స్వీగ్గీ నుంచి పిండి వంటలు
సెల్‌ఫోన్లో పతంగుల గేమింగులు
వాట్సాప్‌లో బంధుమిత్రుల
క్షేమ సమాచారాలు
పండగ ముచ్చట్ల కలబోతలు
కొత్త బట్టలతో సెల్ఫీలు/ ఫేస్‌బుక్‌లో అప్‌లోడింగ్‌లు
ఆపై మిత్రులతో చాటింగ్‌లు
లైకులు కోసం తాపత్రయాలు
అబ్బో ఇప్పుడు పండగంతా/ మోడరన్ మోజులే...
హతవిధీ! ఏమి దౌర్భాగ్యం వచ్చింది...
పొరలు కప్పిన నేత్రాలు విచ్చుకోవాలి
అసలైన పండగును అందరూ కలసి మెలసి
చేసుకోవాలి.
– రంగరాజు గాదిరాజు
Updated Date - 2022-01-15T06:32:29+05:30 IST