వొడాఫోన్ ఐడియా సీఈఓగా అక్షయ మూంద్రా
ABN, First Publish Date - 2022-07-23T17:25:14+05:30
వొడాఫోన్ ఐడియా చీఫ్ ఫైనాన్షియల్ ఆఫీసర్ అక్షయ మూంద్రా(Akshaya Moondra) సీఈఓగా నియమితులయ్యారు
Vodafone Idea CEO : వొడాఫోన్ ఐడియా చీఫ్ ఫైనాన్షియల్ ఆఫీసర్ అక్షయ మూంద్రా(Akshaya Moondra) సీఈఓగా నియమితులయ్యారు. రవీందర్ టక్కర్(Ravinder Takkar) నుంచి మూంద్రా బాధ్యతలు స్వీకరించారు. ఆయన మూడేళ్ల పదవీకాలం ఆగస్టు 18తో ముగియనుంది. ఈ క్రమంలోనే మూంద్రా నియామకానికి టెలికాం కంపెనీ బోర్డు శుక్రవారం ఆమోదం తెలిపింది.
మూంద్రా స్థానంలో చీఫ్ ఫైనాన్షియల్ ఆఫీసర్‌ని కంపెనీ ఇంకా నియమించలేదు. టక్కర్.. ఎండీ, సీఈఓ పదవీకాలం ముగిసిన తర్వాత బోర్డులో నాన్-ఎగ్జిక్యూటివ్, నాన్-ఇండిపెండెంట్ డైరెక్టర్‌గా కొనసాగుతారు. జాయింట్ వెంచర్ కంపెనీ అయిన వొడాఫోన్ ఐడియా ప్రస్తుతం పెట్టుబడిదారుల కోసం అన్వేషణ కొనసాగిస్తోంది. ఇన్వెస్టర్ల నుంచి కంపెనీ రూ. 25,000 కోట్లు రాబట్టుకోవాలని చూస్తున్నట్లు టక్కర్ గతంలోనే వెల్లడించారు.
Updated Date - 2022-07-23T17:25:14+05:30 IST