మరోసారి 60000కు సెన్సెక్స్‌
ABN, First Publish Date - 2022-09-10T06:23:32+05:30
స్టాక్‌ మార్కెట్‌ వరుసగా రెండో రోజు కూడా జోరును కొనసాగించింది. విదేశీ నిధుల రాక, అంతర్జాతీయ మార్కెట్ల సానుకూల సంకేతాలు
ముంబై: స్టాక్‌ మార్కెట్‌ వరుసగా రెండో రోజు కూడా జోరును కొనసాగించింది. విదేశీ నిధుల రాక, అంతర్జాతీయ మార్కెట్ల సానుకూల సంకేతాలు, రూపాయి బలపడడం సెంటిమెంట్‌ను బలపరిచింది. సెన్సెక్స్‌ ఇంట్రాడేలో మానసిక అవధి 60000 పాయింట్లు దాటింది. లాభాల స్వీకారంతో ఆ స్థాయి నుంచి దిగజారినా చివరికి 104.92 పాయింట్ల లాభంతో 59793.14 వద్ద ముగిసింది. నిఫ్టీ 34.60 పాయింట్లు లాభపడి 17833.35 వద్ద ముగిసింది. దీంతో బీఎ్‌సఈలో లిస్టింగ్‌ అయిన కంపెనీల మార్కెట్‌ విలువ చారిత్రక గరిష్ఠ స్థాయికి చేరింది. వరుస రెండు రోజుల లాభాలతో మార్కెట్‌ విలువ రూ.2,16,603.93 కోట్లు పెరిగి రూ.2,83,03,925.62 కోట్లకు చేరింది. వారం మొత్తం మీద సెన్సెక్స్‌ 989.81 పాయింట్లు, నిఫ్టీ 293.90 పాయింట్లు లాభపడ్డాయి.
రూపాయిదీ అదే బాట: ఫారెక్స్‌ మార్కెట్లో డాలర్‌ మారకంలో రూపాయి విలువ శుక్రవారం 12 పైసలు లాభపడి 79.57 వద్ద ముగిసింది. శుక్రవారం ఉదయం 79.66 వద్ద ప్రారంభమైన రూపాయి ఇంట్రాడేలో 79.47-79.66 మధ్యన కదలాడింది.
Updated Date - 2022-09-10T06:23:32+05:30 IST