$61 బిలియన్ల భారీ డీల్... VMwareను బ్రాడ్‌కామ్ కొనుగోలు
ABN, First Publish Date - 2022-05-27T22:50:13+05:30
బ్రాడ్‌కామ్ అతిపెద్ద టెక్ డీల్‌లో భాగంగా... $61 బిలియన్లకు VMwareను కొనుగోలు చేసింది. బ్రాడ్‌కామ్ ఇంక్. క్లౌడ్-కంప్యూటింగ్ కంపెనీ VMware Inc.ను దాదాపు $61 బిలియన్ల నగదు, స్టాక్‌తో కొనుగోలు చేయడానికి అంగీకరించింది.
హైదరాబాద్ : బ్రాడ్‌కామ్ అతిపెద్ద టెక్ డీల్‌లో భాగంగా... $61 బిలియన్లకు ను కొనుగోలు చేసింది. బ్రాడ్‌కామ్ ఇంక్. క్లౌడ్-కంప్యూటింగ్ కంపెనీ VMware Inc.ను దాదాపు $61 బిలియన్ల నగదు, స్టాక్‌తో కొనుగోలు చేయడానికి అంగీకరించింది. VMware షేర్‌హోల్డర్‌లు ప్రతి VMware షేర్‌కు $142.50 నగదు, లేదా... 0.2520 బ్రాడ్‌కామ్ సాధారణ స్టాక్‌లను స్వీకరించడానికి అవకాశముంటుంది. బ్రాడ్‌కామ్ VMware సంబంధిత నికర రుణంలో $8 బిలియన్లను కూడా స్వీకరించనుంది.
ఈ డీల్‌లో భాగంగా... రెండు రోజుల క్రితం(బుధవారం) కామన్ స్టాక్ ముగింపు ధర ఆధారంగా $61 బిలియన్ల విలువైన నగదు/స్టాక్ లావాదేవీలో బ్రాడ్‌కామ్ VMwareను కొనుగోలు చేయనున్నట్లు బ్రాడ్‌కామ్ ప్రకటించింది. Mware కూడా ఈ ప్రకటనేను ధృవీకరించింది. కాగా... ఈ డీల్ నేపథ్యంలో బ్రాడ్‌కామ్ స్టాక్ నిన్న(గురువారం) 3.5 %, VMware షేర్లు 3. 1% పెరిగాయి. బ్రాడ్‌కామ్ గతంలో(2018 లో) CA టెక్నాలజీస్‌ను $18.9 బిలియన్లకు, సిమాంటెక్‌ను 2019 లో $10.7 బిలియన్లకు కొనుగోలు చేసింది. VMware గత సంవత్సరం చివరలో రుణాన్ని చెల్లించే ప్రయత్నంలో డెల్ నుండి విడిపోయింది.
Updated Date - 2022-05-27T22:50:13+05:30 IST