ఘనంగా మట్టల ఆదివారం
ABN, First Publish Date - 2022-04-11T05:16:09+05:30
జిల్లావ్యాప్తంగా క్రైస్తవులు ఘనంగా మట్టల ఆదివారంను జరుపుకున్నారు.
ఉండి, ఏప్రిల్‌ 10 : జిల్లావ్యాప్తంగా క్రైస్తవులు ఘనంగా మట్టల ఆదివారంను జరుపుకున్నారు. ఆయా సంఘాలలో క్రైస్తవ సోదరులు చర్చిలు వద్ద, గేటులకు, కిటికీలకు ఆయా ప్రాంతాలలో ఈత ఆకులకు పువ్వులు తొడిగి కీర్తనలు ఆలపించారు. ఈస్టర్‌కు ముందు ఆదివారంను మట్టల ఆదివారంగా క్రైస్తవులు ఆచరిస్తారు. చర్చి ప్రారంభానికి ముందు చిన్నారులు పెద్దలు మహిళలు ఈత ఆకులకు పువ్వులను తొడిగి వాటిని చేతపట్టుకుని వీధుల్లో ర్యాలీగా తరలివెళ్లారు. చిన్నారుల, మహిళలు ప్రత్యేకమైన పాటలను ఆలపించారు. భీమవరం, నరసాపురం, తాడేపల్లిగూడెం, తణుకు, పాలకొల్లు, ఆకివీడు, మొగల్తూరు తదితర మండలాలతో పాటు ఉండి పెదపేటలోని సెయింట్‌ పాల్‌ లూథరన్‌ సంఘం, ఎన్‌ఆర్‌పీ అగ్రహారంలోని ట్రినిటి లూఽథరన్‌ సంఘం ఆధ్వర్యంలో ఘనంగా మట్టల ఆదివారంను జరుపుకున్నారు. చర్చిల్లో ప్రత్యేక ప్రార్థనలు నిర్వహించారు. కార్యక్రమాల్లో పాస్టర్లు, సంఘస్థులు, మహిళలు, చిన్నారులు పాల్గొన్నారు.
Updated Date - 2022-04-11T05:16:09+05:30 IST