1. • Home » Andhra Pradesh » Vizianagaram » Ringed wedding bazaar

మోగిన పెళ్లిబాజా

ప్రస్తుతం శుభాకార్యాల సందడి నెలకొంది. మార్గశిర మాసం కావడంతో శుభ ముహూర్తాలు అధికం. గృహప్రవేశాలు, వివాహాలు, నిశ్చితార్థాలు, బాలసారెలకు శుభ ముహూర్తాలుండడంతో జోరుగా సాగుతున్నాయి.

మోగిన పెళ్లిబాజా

శుభకార్యాలూ అధికం..

(సాలూరు రూరల్‌)

ప్రస్తుతం శుభాకార్యాల సందడి నెలకొంది. మార్గశిర మాసం కావడంతో శుభ ముహూర్తాలు అధికం. గృహప్రవేశాలు, వివాహాలు, నిశ్చితార్థాలు, బాలసారెలకు శుభ ముహూర్తాలుండడంతో జోరుగా సాగుతున్నాయి. బుధవారం ఒక్కరోజే ఉమ్మడి జిల్లాలో పదివేల వివాహాలు జరుగుతున్నట్టు ఒక అంచనా. శుక్రమౌఢ్యమి కావడంతో ఈ ఏడాది ఆగస్టు 24 తరువాత శుభ ముహూర్తాలు లేవు. మార్గమాసం కావడంతో ఈ నెల 2 నుంచి శుభ గడియలు ప్రారంభమయ్యాయి. గత మూడు నెలలుగా శుభకార్యాలు లేకపోవడంతో వ్యాపారాలు మందకొడిగా సాగాయి. అటు అనుబంధ కార్మికులకు కూడా పని లేకుండాపోయింది. ఇప్పుడు శుభకార్యాలు జోరుగా సాగుతుండడంతో చేతినిండా దండిగా పని దొరుకుతోంది. వస్త్ర, బంగారం వ్యాపారం జోరందుకుంది. కళ్యాణమండపాలు, భాజభజంత్రీలు, మైక్‌సెట్లు, లైటింగ్‌, వీడియోగ్రాఫర్లు, వంటవార్లకు డిమాండ్‌ ఏర్పడింది. ఈ నెల 16, 17, 18 సైతం ముహుర్తాలున్నాయి. వాటిలో ఈ నెల 18 దివ్యముహుర్తంగా పండితులు చెబుతున్నారు.