హాస్టల్‌ తెరవరా?
ABN, First Publish Date - 2022-08-05T04:06:34+05:30
కురుపాం ఏపీ మోడల్‌ స్కూల్‌ బాలికల వసతిగృహం ఇది. పాఠశాలలు తెరుచుకొని నెలరోజులు గడుస్తున్నా.. ఇంతవరకూ హాస్టల్‌ను మాత్రం తెరవలేదు. దీంతో విద్యార్థినులు పడుతున్న బాధలు వర్ణనాతీతం. మోడల్‌ స్కూల్‌లో విద్యాబోధన సక్రమంగా అందుతుండడంతో విద్యార్థుల చేరికలు పెరిగాయి. సుదూర ప్రాంతాల నుంచి 100 మంది వరకూ బాలికలు పా
వందలాది మంది విద్యార్థినుల ఎదురుచూపు
కురుపాం ఏపీ మోడల్‌ స్కూల్‌ బాలికల వసతిగృహం ఇది. పాఠశాలలు తెరుచుకొని నెలరోజులు గడుస్తున్నా.. ఇంతవరకూ హాస్టల్‌ను మాత్రం తెరవలేదు. దీంతో విద్యార్థినులు పడుతున్న బాధలు వర్ణనాతీతం. మోడల్‌ స్కూల్‌లో విద్యాబోధన సక్రమంగా అందుతుండడంతో విద్యార్థుల చేరికలు పెరిగాయి. సుదూర ప్రాంతాల నుంచి 100 మంది వరకూ బాలికలు పాఠశాలలో చేరారు. కానీ వారి సంబంధించి హాస్టల్‌ తెరవకపోవడంతో అసౌకర్యానికి గురవుతున్నారు. ఇదేమని సంబంధిత అధికారులను అడుగుతుంటే మరుగుదొడ్లకు సంబంధించి సెప్టిక్‌ ట్యాంకులు నిండిపోవడం వల్లే తెరవలేదని వింత సమాధానం చెబుతున్నారు. వేసవి సెలవుల్లో హాస్టల్‌ నిర్వహణకు సంబంధించి ఎటువంటి సన్నాహాలు చేయకపోవడమే ఇబ్బందులకు కారణమని తల్లిదండ్రులు ఆరోపిస్తున్నారు. వీలైనంత త్వరగా హాస్టల్‌ను తెరవాలని డిమాండ్‌ చేస్తున్నారు. ఇదే విషయమై ఇన్‌చార్జి ప్రిన్సిపాల్‌ సుందరరావును ‘ఆంధ్రజ్యోతి’ వివరణ కోరగా.. సోమవారం నుంచి హాస్టల్‌ను తెరవనున్నట్టు తెలిపారు.
-కురుపాం
Updated Date - 2022-08-05T04:06:34+05:30 IST