జిల్లాలో 50,656 మందికి చేయూత
ABN, First Publish Date - 2022-09-24T06:50:43+05:30
చేయూత పథకం మూడో విడత కింద జిల్లాలో 50,656 మంది లబ్ధిదారులకు రూ.94.98 కోట్లు విడుదల అయ్యాయని ఐటీడీఏ పీవో రోణంకి గోపాలక్రిష్ణ తెలిపారు.
లబ్ధిదారుల ఖాతాల్లో రూ.94.98 కోట్లు జమ
పాడేరు, సెప్టెంబరు 23(ఆంధ్రజ్యోతి): చేయూత పథకం మూడో విడత కింద జిల్లాలో 50,656 మంది లబ్ధిదారులకు రూ.94.98 కోట్లు విడుదల అయ్యాయని ఐటీడీఏ పీవో రోణంకి గోపాలక్రిష్ణ తెలిపారు. సీఎం వైఎస్‌.జగన్మోహన్‌రెడ్డి శుక్రవారం కుప్పంలో ‘చేయూత’ సొమ్ము జమ కార్యక్రమంలో పాల్గొన్నారు. ఈ కార్యక్రమాన్ని కలెక్టరేట్‌లో ఆయనతోపాటు అరకులోయ ఎంపీ జి.మాధవి, ఎమ్మెల్యే కొట్టగుళ్లి భాగ్యలక్ష్మి, ట్రైకార్‌ చైర్మన్‌ సతకా బుల్లిబాబు, తదితరులు ప్రత్యక్ష ప్రసారం ద్వారా వీక్షించారు. అనంతరం చేయూత సొమ్ము నమూనా చెక్కును విడుదల చేశారు. ఈ సందర్భంగా ఎంపీ జి.మాధవి మాట్లాడుతూ, చేయూత సొమ్మును సద్వినియోగం చేసుకుని ఆర్థికంగా ఎదగాలని కోరారు. ఈ కార్యక్రమంలో డీఆర్‌డీఏ పీడీ వి.మురళీ, పలువురు ప్రజాప్రతినిధులు పాల్గొన్నారు.
Updated Date - 2022-09-24T06:50:43+05:30 IST