గుర్తుతెలియని యువకుడు ఆత్మహత్య
ABN, First Publish Date - 2022-07-06T05:45:24+05:30
జాతీయ రహదారిపై బిర్లా జంక్షన్‌ దరి డీమార్ట్‌ ఎదురుగా గ్రీన్‌బెల్ట్‌లో ఉన్న చెట్టుకు గుర్తు తెలియని వ్యక్తి కేబుల్‌ వైర్‌తో ఉరి వేసుకుని ఆత్మహత్య చేసుకున్నాడు.
మాధవధార, జూలై 5 : జాతీయ రహదారిపై బిర్లా జంక్షన్‌ దరి డీమార్ట్‌ ఎదురుగా గ్రీన్‌బెల్ట్‌లో ఉన్న చెట్టుకు గుర్తు తెలియని వ్యక్తి కేబుల్‌ వైర్‌తో ఉరి వేసుకుని ఆత్మహత్య చేసుకున్నాడు. చెట్టుకు వేలాడుతున్న ఈ యువకుడి మృతదేహాన్ని మంగళవారం ఉదయం ఆరు గంటల ప్రాంతంలో స్థానికులు గుర్తించి, ఎయిర్‌పోర్టు జోన్‌ పోలీసులకు సమాచారం ఇచ్చారు. ఘటనా స్థలానికి చేరుకున్న పోలీసులు వివరాలు సేకరించి, మృతదేహాన్ని పోస్టుమార్టం నిమిత్తం కేజీహెచ్‌కు తరలించారు. మృతుడి వయస్సు 25-30 మధ్య ఉండవచ్చని, ఆయన ఎడమ చేతిపై ‘సమీర్‌’ అని ఇంగ్లీష్‌లో టాటూ వేసివుందని వివరించారు. సంబంధీకులు తమను సంప్రదించాలని ఎయిర్‌పోర్టు జోన్‌ పోలీసులు కోరారు.
Updated Date - 2022-07-06T05:45:24+05:30 IST