15 లక్షల ఇళ్లపై జాతీయ జెండా రెపరెపలు
ABN, First Publish Date - 2022-08-11T06:39:20+05:30
ఆజాదీ కా అమృత్‌ మహోత్సవ్‌లో భాగంగా రాష్ట్రంలో పదిహేను లక్షల మంది బీజేపీ నేతలు, కార్యకర్తల ఇళ్లపై జాతీయ జెండాలు ఎగురవేయడానికి ‘ఇంటింటికీ జెండా’ కార్యక్రమం చేపట్టిందని ఆ పార్టీ రాష్ట్ర అధ్యక్షులు సోము వీర్రాజు పేర్కొన్నారు. లాసన్స్‌ బే కాలనీలోని పార్టీ కార్యాలయం నుంచి బుధవారం ఉదయం ర్యాలీని ప్రారంభించారు.
బీజేపీ రాష్ట్ర అధ్యక్షులు సోము వీర్రాజు
విశాఖపట్నం, ఆగస్టు 10 (ఆంధ్రజ్యోతి): ఆజాదీ కా అమృత్‌ మహోత్సవ్‌లో భాగంగా రాష్ట్రంలో పదిహేను లక్షల మంది బీజేపీ నేతలు, కార్యకర్తల ఇళ్లపై జాతీయ జెండాలు ఎగురవేయడానికి ‘ఇంటింటికీ జెండా’ కార్యక్రమం చేపట్టిందని ఆ పార్టీ రాష్ట్ర అధ్యక్షులు సోము వీర్రాజు పేర్కొన్నారు. లాసన్స్‌ బే కాలనీలోని పార్టీ కార్యాలయం నుంచి బుధవారం ఉదయం ర్యాలీని ప్రారంభించారు. ఈ సందర్భంగా మాట్లాడుతూ, ఈ నెల 13 నుంచి 15వ తేదీ వరకు జాతీయ జెండాలను ఎగురవేస్తామన్నారు. ప్రజల్లో జాతీయ భావం పెంచడానికి ఈ కార్యక్రమం దోహదపడుతుందన్నారు. దేశంలో మొత్తం 20 కోట్ల ఇళ్లపై బీజేపీ నేతలు, కార్యకర్తలు జాతీయ జెండాను ఎగురవేస్తారన్నారు. ఈ కార్యక్రమంలో ఎమ్మెల్సీ, పార్టీ ప్రధాన కార్యదర్శి పీవీఎన్‌ మాధవ్‌, మాజీ ఎమ్మెల్యే, రాష్ట్ర ఉపాధ్యక్షులు పి.విష్ణుకుమార్‌రాజు, పార్టీ నగర అధ్యక్షులు ఎం.రవీంద్ర, ఇతర నాయకులు పాల్గొన్నారు.
Updated Date - 2022-08-11T06:39:20+05:30 IST